【香港破2000萬】「春嬌」一日幾場謝票 「志明」送Tee慰勞員工
2017年05月07日07:00

《春嬌救志明》一班台前幕後,好似楊千嬅、彭浩翔、曾國祥同邵音音等,呢幾日不斷去戲院為電影謝票,彭導接受訪問話,香港票房已經過咗2000萬:「真係好多謝香港觀眾咁支持,我地希望部戲票房可以超過3000萬!呢輪大家都好努力跑戲院謝票。」

至於千嬅就話:「春嬌系列好有感情,都想部戲出嚟有好成績,自己先會咁搏命,好似噚晚一日走幾場謝票,時間好鬼緊湊,真係跑到氣都咳埋,好彩現場觀反應好,辛苦都覺得值嘅!」

至於余文樂,呢日就用自家品牌做咗一批寫住「I MISS U」嘅Tee shirt,仲留言話:「這是送給我們所有演員連日來不斷謝票的小小心意,如果你們見到導演的話記得問他要。因為他應該收到不止一件!!! 兄弟姊妹們辛苦了。」。

而佢女友王棠云亦都有著呢件「I MISS U」Tee自拍,隔空放閃兼幫手宣傳,認真羨慕死人!

關注我們Facebook專頁
    相關新聞
      更多瀏覽