天文臺道8號│ 尖沙咀 新蒲點搵食提案 @Dining娜
2017年04月20日21:50

(Presented by 8 Observatory Road)

Photo:Fion

又到Happy Friday!飯敘、gathering約喺 尖沙咀 就最就腳!但係周圍都爆滿,想搵食,梗係要發掘新蒲點,新食廈天文臺道8號有超過10間食店,中、西、日、法、西班牙菜、火鍋、酒吧樣樣有齊,個個禮拜可以揀唔同菜,已經成為我Dining娜最近嘅新據點。嚟緊5月14號就係母親節,無論母親大人係潮媽定傳統媽,都有啱食推介,係時候book定枱喇!

潮食邊爐、蒸氣鍋

香港人真係好鍾意打邊爐,鍾意程度簡直不分季節。天文臺道8號竟然有3間選擇,有潮食邊爐、蒸氣鍋,又有滋潤之選,型人、女生都大愛!

囍鍋蒸氣火鍋專門店

囍鍋嘅獨特之處就係用蒸氣石鍋即叫即蒸點心,熱辣辣之餘,仲保留咗肉汁同鮮味。除咗主打海鮮,呢度仲可以食蒸和牛片,比起一般用火鍋焯更加原汁原味。今期我最想推介$48嘅金箔松露蒸南非龍蝦,不計成本,非常抵食!

金箔松露蒸南非龍蝦 推廣價$48/隻(原價$268):南非龍蝦鋪滿大量黑松露同矜貴嘅金箔,濃郁嘅松露香蒸後盡滲龍蝦肉中,鮮香、惹味俱備!

囍鍋蒸氣火鍋專門店:2樓,電話2682 2628

蟲草花蒸鮑魚:南非鮑魚肉嫩彈牙,簡單配蟲草花一齊蒸,清清哋,令鮮味更突出。

囍鍋蒸氣火鍋專門店:2樓,電話2682 2628

全店採用摩登型格嘅中式設計,喺木屋形天花同鳥籠燈飾下打邊爐,真係別有一番風味。

囍鍋蒸氣火鍋專門店:2樓,電話2682 2628酒鍋

呢間以「酒」+「鍋」為主題,招牌酒鍋就係佢哋嘅主打,夠晒特別!母親節會推出「母親節別注窩心饗宴」,套餐包羅萬有,主角有藥膳美肌鍋(4格湯底包括:藥膳花膠雞、杏汁白肺鍋、四川麻辣鍋、胡椒豬肚鍋),滋補養顏,為靚媽補充骨膠原,凍齡美肌。另外仲有海膽迷你鍋以及招牌安格斯牛頸脊、日本黑毛豬腩肉等;甜品就有黑白朱古力鍋,點棉花糖、士多啤梨食,媽咪肯定sweet到漏。

母親節別注窩心饗宴 $488/位:套餐包羅萬有,除咗有6款鹹甜火鍋之外,配料亦係上乘之選:頂級安格斯牛頸脊、日本黑毛豬腩肉、即炸手工紫菜響鈴卷,仲有刺身拼盤。

酒鍋:2樓,電話2321 9038椰林春天

椰子雞煲係椰林春天嘅必食首選,湯底以泰國新鮮椰子水熬製,香甜清潤,四季啱飲,用嚟打邊爐完全唔覺燥熱。椰子雞煲有原味、竹笙、野生水魚同雲南野生菌4款口味,最欣賞佢嚴選2斤半以下、自家農場飼養嘅文昌雞,皮薄肉嫩,湯底大人細路都絕對啱飲。最近呢度加入唔少泰國菜式,邊打邊爐,邊食泰菜,坊間少見。

野生水魚椰子雞鍋 $458/隻,$398/半隻:選用泰國椰子水製作湯底,相當清甜潤喉,另外文昌雞嚴選少於2斤半重,皮薄肉嫩,焯後沒有油膩感;配野生水魚更加滋補。

椰林春天:3樓,電話2866 0122

蟹肉燒茄子 $98:茄子燒後,淋上新鮮蟹肉同蛋白,再加上蟹子,味道清新。

椰林春天:3樓,電話2866 0122味遊日、法、西

日菜、法國菜、西班牙菜,都係港人鍾意嘅菜式,天文臺道8號呢3間食店都不約而同供應多款地道小食,最啱我Dining娜約班閨密嚟歎美食、飲下酒!

八居酒屋

主打爐端燒同下酒小食,不少海產、肉類由北海道、鹿兒島、名古屋、仙台等地直送。大廚不時推出時令燒物,例如鹿兒島鹽燒日本和牛、仙台牛舌厚燒、浜燒日本花蛤等等。最近仲推出半價優惠,每星期嚴選1款菜式半價,每日限定30份(只限晚市),每枱不限碟數,超抵食!

鹿兒島鹽燒日本和牛 $288:以海鹽燒,和牛外脆焦香,裏面保留嫩紅肉色,啱晒用來配清酒或啤酒!

八居酒屋:地下G01,電話2377 0118

刺身(左起):牡丹蝦 $148、日本藍鰭拖羅 $288、帆立貝 $148:刺身由北海道等地直送,新鮮又肥美,拖羅更係油脂豐腴甘香。

八居酒屋:地下G01,電話2377 0118Playa de Papagayo

食西班牙菜,一定唔會錯過地道嘅tapas,呢度提供多達39款,價錢又親民,大部分都係$100以下。食物除咗有地道、fusion菜系之外,仲有分子料理,賣相同味道都相當驚喜!最鍾意佢設有戶外露天座,歎番個休閒嘅weekend brunch(星期六、日及公眾假期12:00nn-5:00pm)夠晒寫意,呢個時段所有食物仲有7折添!

牛油果蟹肉卷配三文魚子(左);焦糖鵝肝醬米通多士(右)各$88:蟹肉卷用金粉、分子料理食材製成啫喱外皮,裏面包住牛油果醬,蟹肉仲有蜜糖芥末汁,清新唔heavy。多士上嘅鵝肝用砵酒浸過夜,再以低溫浸煮,然後用火烤至焦香,配無花果同米通食,一次過有多重口感,非常過癮!

Playa de Papagayo:地下G02,電話2323 1379

西班牙紅花海鮮飯(或可選墨魚汁)$288:特選意大利米,夠飽滿又有口感,用足料海鮮湯底煮飯非常入味;配蝦、青口、魷魚、蜆肉、辣肉腸一齊食,鮮香惹味。

Playa de Papagayo:地下G02,電話2323 1379

店名Playa de Papagayo源自西班牙度假小島之名,店中1幅畫就以此為題材,無論店內、戶外座位都極有西班牙風情。

Playa de Papagayo:地下G02,電話2323 1379Maison Eight

結合fine dining同酒吧,Esmé餐廳食高級法國菜;Salvatore品嘗美酒,有埋夜晚嘅live music襯托,最寫意不過。外面仲有不少戶外位,可以邊睇維港海景邊歎美食、美酒。

Weekend食brunch唔一定要去酒店,呢度居高臨下、景致開揚,夠晒舒服!

Maison Eight:21樓,電話2388 8160

位處21樓天台,飽覽無敵海景,放工過來鬆一鬆最適合不過!

Maison Eight:21樓,電話2388 8160精緻中菜

有時食得多西菜,都想食番comfort food:傳統粵菜。呢度2間中菜分別走新派同經典路線,後者不乏滋補養顏菜式,同愛吃粵菜嘅媽媽嚟食最啱。

景逸軒

除有傳統粵菜、廣東小炒、點心之外,菜式亦不乏有創意嘅fusion意念,食材配料新派,例如法式牛肋骨就係中西合璧之作。

法式牛肋骨 $188:鎮店招牌菜,牛肋骨炸香後用雜菜煮成嘅醬汁燜個半鐘,濃郁得來又有蔬菜鮮甜味,肉嫩juicy。

景逸軒:5樓,電話2736 8800金裝尚品

早前攞咗「最佳婚宴場地品牌」,除咗環境寬敞舒適,食物質素亦一向有保證。佢哋嘅招牌菜脆皮燒鵝、零味精燉湯、生猛海鮮,深受食客歡迎。最近仲推出咗平食晚市三寶,分量會因應人數而作出調整,兩個人食都冇問題。

平食晚市三寶:無味精燉湯($138/盅),有雞腳、淮山、瑤柱、杞子,足料有營又滋潤。

海捕沙巴金花躉($78/2-4位約1斤;$178/5位或以上約2斤),清蒸後魚味突出嫩滑。

明爐脆皮燒鵝皇($98/4分1隻;$138/半隻;$238/隻)用五香粉、八角等醃足5、6個鐘後烘乾,用明火燒後上桌,香味撲鼻而來。

金裝尚品:7樓,電話2360 1212飯前飯後chill一chill

約人未夠鐘,或者飯敘完唔夠喉仲想繼續吹水,轉場去酒吧或者靜靜哋嘅coffee shop,傾下偈就最好。

Carnival(快將開業)

以嘉年華為主題,唔單止環境設計好靚好夢幻,連飲品、小食都好有歡樂氣氛,尤其是「旋轉木馬」同「摩天輪」兩款cocktails賣相吸引。依家更有happy hour(每日6:00pm – 9:00pm)優惠,雞尾酒、啤酒都係買一送一,帶媽咪嚟飲杯嘢,兒時去遊樂場嘅回憶即刻返晒嚟。

旋轉木馬 $358:橙色嘅cocktail質感比較杰身,同埋爆谷一齊食,極夾!

Carnival:6樓,電話3705 3985

摩天輪 $688:呢款就以繽紛顏色取勝,甜甜哋味道配搭着燈嘅摩天輪,感覺好夢幻呀!

Carnival:6樓,電話3705 3985GEDA Bar & Restaurant(快將開業)

GEDA除咗有多部高清大電視,仲可以篤波同埋有近年好興嘅Beer Pong玩,絕對適合成班朋友輕鬆聚會。場內仲有多款小食任君選擇,味道同賣相都好有高級餐廳水準。

酒吧有3張Beer Pong枱玩,空間感十足。

GEDA Bar & Restaurant:6樓,電話2327 4195

仲有桌球、大電視可以睇波,同埋大梳化,方便大班朋友圍埋傾偈耍樂。

GEDA Bar & Restaurant:6樓,電話2327 4195Starbucks

想靜靜哋同三五知己傾下偈,Starbucks就當然係不二之選,呢間分店仲特設戶外位,相當開揚寫意。最近新推嘅椰子草莓星冰樂,係將忌廉星冰樂配上椰子同士多啤梨味,甜甜哋好有夏日涼快感覺。

椰子草莓星冰樂 $42-$50:忌廉星冰樂配上烤香嘅椰子碎同椰子粉,再加入士多啤梨蓉,清香甜美又有豐富層次口感。

Starbucks:地下G03,電話2881 6069

呢間Starbucks有戶外位,飲住咖啡閒hea或吹水都舒服。

Starbucks:地下G03,電話2881 6069

天文臺道8號

地址:尖沙咀天文臺道8號(港鐵尖沙咀站B2出口)(顯示地圖)

泊車:附設停車場,各車位均設有電動車充電裝置,B2及B3樓並設有6個中速充電站。

網址:http://8observatoryroad.com

相關文章:

【廝殺購物車】2折 運動用品開倉 ! $300對adidas波鞋|銅鑼灣好去處|

Colin Firth回歸!!《 皇家特工:金圈子 》 7大劇情預測|9月上映

《 阿森一族 》30周年!3大「神預言」回顧

關注我們Facebook專頁
    相關新聞
      更多瀏覽