【要同男友分居】衛詩雅《失眠》被強姦:拍完先知對手下半身完全赤裸
2017年04月18日07:00

邱禮濤導演同黃秋生繼當年《八仙飯店之人肉叉燒包》及《伊波拉病毒》後,再次挑戰尺度,合作拍《失眠》,今次仲搵埋衛詩雅仲女主角!

衛詩雅就喺戲中一人分飾兩角,爛面之餘仲被人笠咗個頭套強姦:「拍完先知強姦我個位演員下半身係完全赤裸,連膠紙都冇!」又話同林家棟做對手戲時,搞到成身傷:「佢畀嘅力會令你痛,令我有足夠力量去演戲,初時我都唔知自己咁傷,直至返到酒店,嘩!真係有好多瘀傷。」

詩雅仲話拍攝前為咗投入角色,已經長時間處於壓抑狀態,最後仲搞到要同男友分開住:「拍之前我同男友一齊住,嗰時冇辦法接受有人喺我身邊,所以最後要分開住。」

關注我們Facebook專頁
    相關新聞
      更多瀏覽