【活得比你好】唔提鄭俊弘 姜麗文狂騷三點式 
2017年04月18日07:00

鄭俊弘日前被爆背前未婚妻Beebs暗撻何雁詩,仲公開喺機場晒愛,被網民封為「賤男」,今個月頭出席完一場商場活動之後,就極速潛水。

不過佢舊愛姜麗文亦因為今次事件再次成為大家談論對象。鄭俊弘發生呢單嘢之後,佢哥哥姜文杰就疑似為佢出頭,喺instagram貼咗一張周星馳同吳孟達喺《整蠱專家》入面話:「好,一對狗男女。」嘅截圖,雖然冇開名,但明眼人一睇就知串緊邊個。

至於姜麗文就一路都冇出過聲,但話晒當年阿Fred喺《星夢傳奇》彈起後就飛起佢,多年感情話完就完,傷得咁深,依家就唯有「活得比你好」。呢日就係網上大晒幾張出海玩嘅相,狂騷三點式加長腿,似乎係想同某人講:你走寶喇!

關注我們Facebook專頁
    相關新聞
      更多瀏覽