城城新郎Look曝光!星級兄弟團接新娘方媛
2017年04月18日18:21
城城:我今日娶老婆啦!

【星島日報報道】51歲的天王郭富城(城城)今日娶妻,與拍拖年半的女友方媛(Moka)拉埋天窗,今晚在半島酒店擺酒,宴請親友。

講足大半日,城城的新郎Look終於曝光,孖埋6人星級兄弟團影靚仔相,由圈中好友譚國政、沈嘉偉、張智霖、Sunny Wong等人傍實新郎哥,見證好友的珍貴時刻。婚前依舊密密開工的城城,一洗疲態,果然人逢喜事精神爽!城城以深色西裝配上紅色煲呔及襟花,唔知老婆仔Moka有冇讚靚仔呢?另外,婚禮以浪漫簡約形式進行,現場有逾萬朵玫瑰花砌成的背景板。場內有特大LED屏幕播放婚禮影片,回禮小禮物為意大利訂來的Armani「A」字朱古力,精巧美麗。婚禮亦特別設計迎賓標誌牌,盡見心思。

關注我們Facebook專頁
    相關新聞
      更多瀏覽