【好多B】Sammi探婉婉「BBQ」 雷頌德掃風 蘇康甘拜下風
2017年04月16日07:00

42歲車婉婉喺上月28日,成功誕下混血B仔「BBQ」,當時佢仲好開心咁拍片報平安,話收到大家對佢嘅祝福:「佢哋喺唔同層面渠道上發咗好多訊息,好關心我呀!話比我聽要食咩嘢,或者點樣好啲,我繼續需要大家嘅支持!」

生完B仔就要坐月,唔可以四圍去,婉婉唯有用社交網站同大家分享佢高齡產婦日誌,呢日鄭秀文仲去咗探佢同「BBQ」:「高齡日誌之Auntie Mi和Lo Sam 相交相知歷史悠久,感恩路上有您,我們大家一起成長,回想起來,有好多一頁頁的美好回憶。昨天你來探訪,分享我這新的一頁,很是感動,謝謝老友一直給我鼓勵以及禱告」

之後婉婉仲扮「BBQ」多謝「Auntie Sammi」:「Nice to meet you 靚靚Auntie Sammi,送上見面禮了」

另外,雷頌德就去咗探蘇永康嘅囝囝Jazz,阿Mark仲為Jazz掃風,手勢熟練到連蘇永康都甘拜下風:「音樂、室內設計、琴棋書畫無所不精,連『掃風』都有一手!雷兄的博學在下實在甘拜下風!」

關注我們Facebook專頁
    相關新聞
      更多瀏覽