開完工即擦餐勁 林嘉欣赴台難忍美食誘惑
2017年04月13日12:20
幾咁滿足!

【星島日報報道】靚媽林嘉欣昨日一身白色長裙現身台北,出席雪肌精發佈會,身為大中華區代言人的她被封「光透女神」感到榮幸。為了保持最佳狀態,嘉欣一直乖乖忍口,不過記者會一結束,她立即飛奔享受「頭號邪惡小食」:炸薯條!

嘉欣在發佈會上大方分享美麗心得,原來她除了對肌膚保養品很挑剔,亦很注重湯水,她說:「經常飲湯,不但身體健康,仲可以令肌膚更純淨透亮,我成日煲湯畀啲囡飲㗎,女仔要從小由飲食開始保養,咁就內外都咁靚啦!」發佈會尾聲,大會特別邀請五月天的結他手石頭錄製驚喜祝賀影片給嘉欣,二人於2014年因合作電影《百日告別》而成為好朋友。祝賀片中,石頭指嘉欣是五月天的女神,又讚她是「絲綢般的女人」,氹得嘉欣好開心。發佈會結束後,嘉欣立即飛奔返酒店,原來她約了夢中情人「炸薯條」!她說:「我忍咗好耐啦,任務完成,我要獎勵自己!」她一邊滋味地食薯條,一邊興奮地表示今次台北之行,除了工作亦是她的美食之旅。嘉欣說:「跟住我會留喺台灣做訪問和影宣傳相,亦會抽空探朋友。仲有,因為真係好耐無返嚟台灣,所以今次一定要食到夠,我寫咗清單啦,滷肉飯、米粉湯、貢丸湯……每次返到台灣一定盡情食,尤其是台灣小菜。」

話口未完,嘉欣已經應廣告商邀請去歎傳統台灣菜,食到甜品時她突然驚覺食了很多,笑說:「哎呀,今日真係破晒戒……唔緊要,聽日再嚟(keep fit戒口)過囉!」

關注我們Facebook專頁
    相關新聞
      更多瀏覽