《 今晚打喪屍 》解禁版預告片曝光
2017年04月12日16:17

由張繼聰、白只、萬梓良、顏卓靈、王敏奕及吳家麗主演、改編自本地作家余兒同名暢銷小說的電影《 今晚打喪屍 》,將於今年6月29日正式上映,電影公司其實老早準備好一條震撼預告片,但因場面太恐怖而被戲院大堂禁止!最後監製鄭思傑決定用個「禁」字遮住哂所有喪屍個樣。不過網絡又點同戲院大堂,依家一齊睇無碼版!

白只 張繼聰首度合作

《今晚打喪屍》兩大主角為金像獎最佳男配角白只及張繼聰,兩人相識多年friend過打band,不過合作拍戲都係第一次。片中兩人本是一事無成的「廢青」,不過為了保護身邊人,決心要同喪屍死過!

喪屍片的主角當然係喪屍,《今晚打喪屍》不乏群屍亂舞的鏡頭,期間聘請了大量臨時演員在西環拍攝外景,場而震撼!可謂《屍殺列車》香港版!

老戲骨萬梓良 吳家麗

除了兩大主角白只及張繼聰,電影更邀請到兩位老戲骨萬梓良及吳家麗,其中萬子哥近年因患有糖尿病而減少幕前演出,不過今次都被劇本吸引而出山,又可以同一班年輕人合作!難得與神級前輩同場,據知一班年輕演員拍攝時都好似上堂一樣,經常向萬子哥請教!

喪屍片其中一個必備元素,就係一定有靚女!《今晚打喪屍》中就有兩位年輕靚女王敏奕及顏卓靈,其中顏卓靈係首次同男朋友白只合作演出,唔知佢哋喺戲入面有冇感情線呢?

本土騎呢武器

雖然預告片中睇唔清楚,其實電影中眾主角使用的武器夠晒本土兼騎呢,好似「喪屍血滴子」、「鴛鴦雞蛋仔」,真係好期待佢哋係點樣打!

全文完

相關文章:

《 拆彈專家 》MV曝光 三兄弟代劉德華試唱

中日新婚人妻 佐佐木希 vs 城嫂Moka

出爐影帝林家棟 入行30年經典重溫

關注我們Facebook專頁
    相關新聞
      更多瀏覽