中日新婚人妻 佐佐木希 vs 城嫂Moka
2017年04月11日15:33

29歲的日本索模 佐佐木希 ,日前宣布與搞笑藝人渡部建結婚,由女神榮升人妻,實在令唔少男士心碎!佐佐木希的甜美令人為之傾倒,但原來香港娛樂圈有一位同樣係29歲的新婚人妻,同佐佐木希竟然好似樣!咪就係講緊郭富城太太方媛 (Moka) 囉!

佐佐木希 榮升人妻

佐佐木希係公認的日本女神,相貌甜美、身材均勻,更曾多次入選美國電影網站「TC Candler」的「最美麗的面100人」排行榜 (Most Beautiful Faces),唔單止亞洲男士,連西方人都拜倒其裙下!佐佐木希日前在IG宣布與拍拖兩年半的搞笑藝人渡部建拉埋天窗,而渡部建今日在NTV節目中透露,兩人今早已正式註冊結婚,女神正式封盤啦!

方媛 榮升天王嫂

至於同樣係29歲的Moka,兩年前起與天王城城高調拍拖,兩人不時喺微博晒愛。近日城城與Moka屢次傳出結婚消息,上月底有傳媒爆出兩人原來早在上月4日喺香港秘密入紙註冊,預計三個月內完成手續,最快6月初就可以拉埋天窗啦!

1988年出生的佐佐木希今年29歲,2005年時佢被一個名為《日本全國尋找美女》活動的搜查員發掘,照片登上雜誌後一夜成名,自此一直擔任模特兒。佐佐木希除了拍廣告亦有出寫真集,甜美樣貌加上fit爆身材迷倒萬千男士。另外其電影出道作《出租天使》亦係一部經典!

至於日前榮升天王嫂的Moka同樣係Model,佢一雙大眼睛、一頭啡色短髮活像一個日本少女,加上寫真相片多作日系打扮,大家覺得佢同佐佐木希有冇幾分相似?

作為模特兒,當然要盡情展示美好身段,佐佐木希早前為Uniqlo拍攝內衣廣告,廣告中佢毫不吝嗇大晒姣好身材,白滑勝雪的玉背盡現人前,真係男男女女睇完都鼻血狂流!另外佐佐木希以前亦有着起泳衣或內衣拍寫真集或廣告,非常討好的健康性感,氣質逼人,呢啲就係仙氣啦!

至於「國產版佐佐木希」Moka身材亦不容小覷,上圍豐滿,不時大晒又深又長事業線。但與日本女神相比,Moka的性感似乎略嫌低俗,國產味濃,氣質呢回事實在唔係咁易模仿。呢個小編腦海中浮現出一個畫面,就係鷲哥吳岱融的一番話……

估唔到佐佐木希同Moka都着過一套款式有點似的女僕裝,大家覺得邊個靚啲呢?

最後送上二人的「眼鏡娘」造型,雖然風格都係有啲相似,但相信其中一人的P圖技術已經爐火純青……

全文完

相關文章:

出爐影帝林家棟 入行30年經典重溫

第36屆金像獎 惠英紅林家棟稱影帝后

重溫黃易《尋秦記》《大唐雙龍傳》 林峯胡定欣鬥包面

關注我們Facebook專頁
    相關新聞
      更多瀏覽