【唔怕惡搞?】政府再推回歸歌 又有李克勤份!
2017年04月07日07:00

今年喺香港回歸20周年,早喺回歸十周年同十五周年,香港政府都有推出主題曲,今年亦唔例外,推出《香港.我家》。

例牌歌手入面當然有李克勤同楊千嬅喇,至於其他歌手,就冇之前嗰兩首主題曲咁,搵到劉德華、譚詠麟、古巨基、陳奕迅、容祖兒同Twins等名星,得番周柏豪、陳柏宇、許廷鏗、鄭欣宜、林欣彤、洪卓立、AGA (江海迦)及JW(王灦兒)!

至於歌詞方面,就比過去嘅露骨得多,好似會無啦啦整句「你愛她,我愛她」,而且,全長一分鐘入面,就唱足四次「香港」,平均每廿五秒就出現一次,真係符合晒主題!

而且首歌反應似乎唔多好,一千多個點擊率入面,dislike多個like,仲有網民留言話:「垃圾歌!」、「好嘈!,唔好聽!」

回顧2007年,當年政府紀念主題曲《始終有你》,推出冇耐即被網民二次創作,改編為《福佳始終有你》,大玩粗口諧音,今年政府再添食,唔通真係唔怕又被網民惡搞?

關注我們Facebook專頁
    相關新聞
      更多瀏覽