山頂蠟像館 新開動漫展區!細路仔4月免費!變身中國「美少女戰士」+妖怪手錶房間
2017年04月06日20:00

山頂蠟像館 全新的動漫展區今天開幕,除了常駐的Maverl 英雄外,今次更新增加了妖怪手錶的實景房間、強國「美少女戰士」變身遊戲等,有影相位又有嘢玩。而香港居民更可免費帶一名小朋友入場,夠本土!

撰文:Keith | 拍攝:Scott

有得玩! AR變身 強國「美少女戰士」

提起 山頂蠟像館 ,記得小時候去過一次後,因「有得睇無得玩」,所以近二十年來未再重臨。今次的動漫展區有影相位有遊戲玩,尋回不少樂趣。展區共2,300呎,分五個部分,有Marvel 、妖怪手錶、Hello Kitty及麥兜。

當中最搞笑竟然是外型似足美少女戰士的內地卡通「巴啦啦小魔仙」,大家可透過AR技術變身。記者試玩後都大笑三聲,因為變身後頭部仍是男人,但身軀卻變得如此窈窕嬌滴滴,配上搞鬼動作完全錯配但滑稽l非常。不過這套卡通港人不太認識,看來是為內地遊客而設,玩完笑一下就好了。

「巴啦啦小魔仙」展區中國味十足,但遊戲其實幾好笑。
小魔仙是不是有一點美少女戰士的味道呢。
大家要站在屏幕前,一揮左手即可變身一動,變身動作跟美少女等動畫相似,令人投入感大增。
變身後頭部偶爾未能感應而「失聯」,會有移位情況出現。神還原! 妖怪手錶主角房間

而我不知情「巴啦啦」是誰?那妖怪手錶熟識了吧!現場還原了主角景太的房間,一比一比例,大家可以走進去,跟一眾角色如威斯帕、浮游喵及宅男蝙蝠「房聚」,更可坐在床上和地膊喵促膝長談。旁邊更把妖怪手錶手機遊戲搬到人咁高的屏幕,玩法像TsumTsum,十分爽快。

妖怪手錶房間最開心是可以坐在床上和地縛喵親近一下,細節位也做足,有書包足球等小物,好像走入動畫似的。
在場內現這隻手機遊戲 《妖怪手錶噗尼噗尼》,有機會得到特別角色扮「妖怪噗尼」-巨大變形俠醫破牆而出

玩完一大輪,是時候影相打卡,除了蠟像影外,Marvel英雄公仔一向受歡迎,現場有爬牆蜘蛛俠及破牆變形俠醫,都可拍到靚相,不過蜘蛛俠就比較辛苦了,可以跟記者卧在地上扮爬牆。而港產代表麥兜去了新地方,今次跟麥太坐著電車遊香港呢,旁邊更有由日本設計公司teamLab的投映積木,把積木連成一線就會自動生產出各種交通工具,小朋友可發揮創意。

被變形俠醫捉住的影相位,但要小心被他突然的大聲叫嚇到。
蜘蛛俠爬到香港唐樓外,勁本土。
但要影正面就要拍不到港式背景,唯有瞓地下,扮爬牆啦。
麥兜麥太坐著電車場景也很逼真,特別是支扶手,很有手感。
兩隻「豬仔」前面就是由日本設計的投映積木。
把相同的積木連成直線,就可生產出火車、飛機等交通工具。

記者點評:

山頂十年不上一次, 山頂蠟像館 我更是廿年無去,今次終於有更新,更有新玩意,都幾好笑。而且即日起至四月廿八日,香港人可免費帶一名小朋友入場,一家大細去玩最好。

夠本土,算你啦!

香港杜莎夫人蠟像館

地點:山頂道128號凌霄閣P101號(顯示地圖)

查詢:www.madametussauds.com/hong-kong/zh-hant/

碼價:成人:$ 265 小童及長者:$215

備註:即日起28/4,香港居民購票時出示香港身分證,可免費帶同一位11歲以下的小童進場。

相關文章:

菲律賓過江人龍店 即炸4色Shake Shake 薯條 |尖沙咀食乜好|

初夏「芝」味! The Cheesecake Factory 登陸香港 新品率先睇│尖沙咀食乜好

細數漫畫情節!! 《 聲之形 》 宣傳片劇情比對 (含劇透)

關注我們Facebook專頁
    相關新聞
      更多瀏覽