車婉婉十級痛誕混血巨B
2017年04月02日03:00
42歲的婉婉選擇順產,好勇敢!

【星島日報報道】車婉婉昨日愚人節報喜,宣布與中澳混血兒丈夫Jonathon Quinlan的第一個愛情結晶品「BBQ」於3月28日出世,二人正式榮升父母,幸福洋溢;而「BBQ」更堪稱是巨B,有8磅9安士重,婉婉亦是叻叻媽媽,忍受十級痛楚選擇順產誕下麟兒!

正在休養中的婉婉昨日宣布喜訊,以感謝大家的關心,她表示:「大家好,我係婉婉,好多謝大家一直都支持我,同埋關心我,同埋大家每次都好正能量地送上你哋嘅祝福,終於囝仔BBQ係3月28日出咗世,佢身體好長,有8磅9安士;最後我選擇了自然分娩嘅,係一個非常之艱巨嘅過程,亦都令我非常尊敬各位媽媽,我哋母子平安,而家返咗屋企,好想多謝醫護人員對我們的照顧,同埋我哋朋友、親友,佢哋一路咁愛錫我啦,同埋我的支持者,佢哋係唔同層面渠道上面發很多訊息,好關心我呀,話俾我聽要食咩野,或者點樣好啲,我繼續都好需要大家支持嘅,因為我自己係一個新手媽媽啦,好多嘅提點大家都可以繼續係各方面俾我,多謝大家,多謝大家嘅祝福!」

42歲的婉婉與混血老公Jonathon拍拖3年,2013年拉埋天窗努力造人,婚後3年喜得麟兒,更勇敢選擇順產,對高齡產婦來說殊不容易,難怪婉婉急不及待與眾分享喜悅,一班粉絲亦紛紛留言送上祝福與鼓勵。

關注我們Facebook專頁
    相關新聞
      更多瀏覽