【恭喜晒!】車婉婉誕巨B:坐完月同大家見面
2017年04月02日07:00

42歲嘅車婉婉喺愚人節宣佈囝囝「BBQ」已經出世喇!「BBQ」未改中文名,英文名則叫Justus,重8磅9安士,可以話係一個巨B!呢日婉婉仲透過經理人公司公開一家三口及B仔相,之後仲拍咗條片上FACEBOOK!

婉婉一開始就話多謝大家關心:「BBQ喺3月28日已經出世,身體好長,有8磅9安士,今次採取自然分娩,係一個非常艱巨過程,令我更尊敬各位媽媽啦,我哋母子平安,已返咗屋企,多謝醫護人員對我哋照顧,朋友、親友同支持者一路咁愛錫我,希望快啲坐完月可以同大家見面。」

其實生B當日婉婉都有喺FACEBOOK貼出摸着大肚嘅相,佢當時話:「高齡日誌之捨不得你,卸貨的日期將至,對於籃球的確不捨。MaMa非常感激你給我這一段快樂的旅程,這三十多周的高低起伏也是我的幸福,一切也是順其自然的,過程萬般感受,也是多麼的美好,Praise God!你快要來到外面的大世界,MaMa and PaPa亦要努力向你學習怎樣做父母,希望你順利降臨,好讓我們Q氏一起學習,We Love U!」

關注我們Facebook專頁
    相關新聞
      更多瀏覽