諗唔到食乜好?入葵涌搵 特色餐廳 !@Dining娜
2017年03月25日14:26

臨近四月份,holiday mood係咪已急不及待湧現呢?無論係想約朋友家人定陪仔女gathering,飯局係一定要食嘅!揀得物超所值、又啱環境場合,咁先叫著數抵食!葵涌有齊親子德國菜、庭園西餐、人氣安格斯牛扒半自助餐,去完附近outlet shopping再飯聚就最perfect,一於即睇有咩心水 特色餐廳 ,然後度期約定shopping飯局日子啦!

photo: wing, twotung (presented by新都會廣場)

新推親子德國招牌菜 特色餐廳 無添加夠天然

Beerliner Weekend Combo

逢星期六、日下午4時後供應,正宗傳統德國招牌秘製鹹豬手,配埋得獎自家製無添加香腸,仲有即叫即炸薯條,伴埋杯德國麥啤,或無酒精mocktail,大人小朋友都夠滿足!

Beerliner Weekday Combo 平日星期一至四就可以試到另一份德國風味combo set,兩份忌廉蘑菇湯,加用橄欖油先浸12小時嘅即日製法國燒雞,仲有自家秘製牛面頰,同埋唔少得得獎德國香腸,呢個組合認真無得輸,二人份量都只是每人$150有找,另再order兩個主食,已夠一個四人家庭享用,超抵食!
餐廳連接出面露天兒童樂園,啱晒親子飯局聚會,大人可以邊食邊傾計,慢慢試真傳統德國菜風味!

去完葵涌outlet shopping後大人小朋友都想叉叉電?位於露天兒童樂園隔離嘅德國菜,原來唔只得得啤酒同咸豬手,仲有少鹽少油、零化學防腐成份嘅自家製得獎肉腸,即使招牌咸豬手同樣是以慢煮方式醃製超過12小時以上,每日喺店內嘅特別訂製傳統德國烤爐,焗足4至5小時以上製成,認作極認真,無添加味道!餐廳仲特別為葵芳分店推出兩款combo拼盤,專為大人小朋友而設,一次過試晒最招牌受歡迎菜,份量十足,超抵食!

Beerliner German Bar and Restaurant

新都會廣場5樓531-540號鋪

跟大隊食安格斯牛扒 + 半自助餐

美國聖海倫牧場安格斯肉眼 主廚肉拼盤

安格斯肉眼扒入口夠嫩多汁,自家調醬汁帶出牛肉濃香。另外拼盤套餐有即炸大蝦、安格斯牛扒、澳洲羊扒同昆布蘭腸,每款都係代表作,大堆頭夠抵食!

人氣牛扒Mr Steak嘅安格斯牛夠有質素唔使多說,既有穀飼牛種類、日本A4和牛,仲有即燒大海蝦、比目魚同英國特嫩羊T骨、澳洲羊扒等,加埋十幾款熱葷、沙律及甜點嘅半自美食,呢個聚會飯局夠晒滿足!

Mr. Steak Bar & Grill

新都會廣場4樓488-490號鋪

庭園西餐 自家製麵條夠認真

澳洲和牛西冷(8安士) 意式肉丸配鮮製意大利寬麵

澳洲靚和牛香煎完肉質仍然嫩口,juicy好味。意式肉丸用自家肉碎調味搓成,寬條麵用新鮮小麥粉自家製,彈牙有嚼口。

餐廳位於中庭位置,環境開揚舒適有歐陸氣氛。

新登場嘅Parkview位於1樓中庭,歐陸裝潢氣氛舒適又有格調,位置開揚,庭園佈置,啱晒朋友或家庭飯局。西式餐牌主打自家製意大利麵條、Risotto同牛扒,最驚喜係佢地定期有時令菜式推出,食極唔厭喎!

Parkview

新都會廣場1樓135號鋪

正宗泰式師傅坐鎮

冬蔭功海鮮湯

見到個顏色已流晒口水,用左雞湯做底,加入大頭蝦,泰式香料夠正煮,酸辣度剛好,6至8人份量,啱晒happy sharing啦!

香焗粉絲蟹煲

重量級肉蟹,粉絲底用豬頸肉炒起肉汁,加埋南薑、八角、肉桂等泰式香料,唔係太辣又具鮮甜蟹味。

由北角總店起家至今開業23年,曾於泰國居住嘅老闆鍾情泰國菜,親自購入唔同泰國飾物擺設做佈置,由餐廳主廚至店內職員,都以泰國人為主,用埋皇室烹調秘方,必試招牌咖喱炒蟹、冬蔭功海鮮湯、串燒沙嗲等,正宗風味,為瘋狂購買後嘅朋友們叉足電!

曼谷泰菜

新都會廣場5樓501-510號鋪

必試得獎京菜 特色餐廳

四川宮保蝦球 梅龍鎮干燒大明蝦

賣相已夠吸引,宮保蝦球用四川辣汁抄成,香辣得嚟帶出鮮甜蝦味。特選梅龍鎮大明蝦肉質爽甜有咬口,不能錯過!

同親朋戚友飯聚點少得中菜呢?廣東粵菜食到悶悶地,咁就要試下北方菜啦。得獎北京填鴨、有即場破土開邊嘅富貴雞夠特別未?甜點仲有高力豆沙添!午飯飲茶同樣有驚喜嘅京式點心,約埋屋企人去試就最啱啦!

北京樓

新都會廣場5樓511-530號鋪

相關文章:

你一定追過的台劇!那些年10套攻陷少女心 台劇

激平!$98對NB 波鞋Outlet 全場低至2折起|九龍灣好去處|

南記 進攻韓國!韓國人有多愛南記?

關注我們Facebook專頁
    相關新聞
      更多瀏覽