8件你不可不買的 台灣藥妝 好用品@Miss Sunny
2017年03月17日10:00

去旅行梗係要去到盡,買嘢買到去藥妝店是常事,日本藥妝店好行好買就係人都知,其實 台灣藥妝 店都好多正嘢呀!下次去食牛肉麵、歎咖啡時,記住行去屈臣氏、康是美等等 藥妝 店look look呀!

Photo source by:3M、Lovemore、FaceQ、Heme、娘家、廣源良、台灣Watson官網

必掃8件 藥妝 寶1.Lovemore迪士尼美女與野獸聯乘系列

萬眾期待的真人版《美人與野獸》今個月終於上映,必去睇Emma Watson扮靚靚Bel之餘,仲好想買好多Beauty & the Beast嘅產品呀!經常與迪士尼聯乘的台灣品牌Lovemore愛戀膜法,就推出了美女與野獸系列,個packing超靚,仲好抵買,用來做手信一流!

Lovemore迪士尼美女與野獸花香乳木果潤澤護手霜(約NT$299 )蘊含乳木果油、玫瑰精華,可強效保濕及延緩衰老。高保濕潤色護唇膏(約NT159)蘊含滋潤的玫瑰果油及葡萄籽油,帶來淡淡嫩紅色。水嫩保濕潤唇精華 加入透明質酸和蜂蜜(約NT$199),可滋潤及淡化唇紋。2.FaceQ滋潤手膜及足膜

FaceQ手膜、足膜是台灣出名手信,這個價廉物美的品牌,包裝可愛,推介蘊含牛奶蛋白萃取、堅果油與透明質酸嘅牛奶滋潤手膜及足膜,可令手、腳皮膚滋潤嫩白,韓國專利製造嘅手足膜仲好舒服,絕對方便好用。

FaceQ是 台灣藥妝 有名嘅面膜品牌,兩、三年前手足膜嘅銷量已過百萬呀!約NT$69/對3. 3M親水性人工皮

大家去開日本都會狂掃日本藥品,原來台灣一樣有好好嘅藥用品值得買,就係3M親水性人工皮!聽台灣朋友仔講,3M人工皮喺當地好受歡迎,除咗因為好用,更因為佢哋曾經係2015年台灣塵爆事件中,捐出萬片人工皮供傷者護理傷口,減少疤痕形成機會!

講番人工皮點解咁受歡迎,皆因佢比起膠布更好用,可以幫助吸收傷口的分泌,並長效持續濕潤傷口,令傷口癒合快1.5倍,更可令出現疤痕的機會減低,唔使再用去疤貼,一次做到呵護、癒合、防疤,仲非常防水,就算有傷口,沖涼游水都無問題!最近3M人工皮係香港都有得賣喇,仲要價錢相若,第日就唔使特登去台灣掃喇!

人工皮採用水凝膠吸收體,可以完全覆蓋傷口表面,與傷口或水泡的滲出液交互作用,形成濕潤的癒合環境,加上佢嘅防水透氣薄膜,可為受損皮膚建立屏障,避免水同細菌入侵,可減少感染機會,癒合情況就會更好更快。

3M喺香港用Nexcare親水性人工皮推出市場,分別有膠膜及敷貼,適合唔同大小傷口使用,可以幫助傷口癒合之餘,再減少形成疤痕的機會,係護理傷口嘅好方法!建議零售價:膠膜 $33.9/4片;敷貼 $33.9/2片4.HEME玫瑰水感保濕導潤化妝水

台灣開嘅品牌一向質素不俗,拍得住日本出品,Heme就是一個針對年輕皮膚的開架品牌,特別著重抗痘、控油或改善肌膚乾燥。推介玫瑰水感保濕導潤化妝水,採用台灣原產玫瑰純露、複方保濕胺基酸、蘆薈及小黃瓜萃取,滲透力快,可直達肌膚底層,提升皮膚含水量,保濕及減淡細紋。

平、靚、正之選:玫瑰水感保濕導潤化妝水。NT$109/50ml、NT$269/150ml5. 娘家娘家益生菌(60包)

去台灣旅行當然係「日食夜食」,食得多都要注重腸道健康,娘家益生菌乳酸菌粉末是台灣屈臣氏上年度最好賣的10種產品之一,由台大微生物權威研發,內含的NTU101乳酸菌,高穩定性,存活率高達95%,可增進皮膚與粘膜健康,並能調節及維持消化機能,幫助排便順暢及促進新陳代謝,好適合腸道麻麻嘅朋友試試呀!

娘家益生菌加入凍水即可飲用,有助腸道健康。約N$2,200 6. 好手藝紅豆水

最近小編的朋友個個自製紅豆水,話可以收身兼暖身。台灣就有很多有口碑嘅紅豆水沖包,就如好手藝紅豆水,選用大粒天然紅豆,採用低溫去離子水萃取技術濃縮而成,內含的天然胺基酸、維他命B及鐵質,幫助去除水腫及紓緩女性週期不適,全面滋養身體,促進身體代謝!

好手藝紅豆水備有不同包裝,方便女生隨身帶備飲用。約NT269 7.Shishedo Perfect Whip專科超微米潔顏乳

百份百日本製造的專科潔顏乳,是日本資生堂旗下的開架品牌,雖然香港也有售,但在台灣藥妝店的價格就經濟得多,這支泡泡型洗面膏,它的濃密蠶絲蛋白泡泡可以溫和洗淨皮膚,仲可以保持皮膚水分,用後滋潤不乾燥。

Shishedo Perfect Whip 納米潔顏乳 約NT 898. 廣源良菜瓜水

另一款 藥妝 品,就是這支在台灣無人不識的菜瓜水,採用當地種植的優質絲瓜水作主要成分,具有極佳的保濕功效,可以迅速滲入肌膚深層補水,亦可紓緩曬後肌膚,雪凍後使用效果更佳,而且價錢經濟,用來浸濕化妝棉做保濕面膜,效果亦相當好。

廣源良菜瓜水 約NT199/2支

相關文章:

黑客出沒注意! 一張相即可掌控 Whatsapp 、Telegram帳戶

電影 美女與野獸城堡 !一年只有一季免費參觀@觀光客不知道的倫敦

搶先衝入日本 LEGOLAND手信 店!33款積木迷必買紀念品大曬冷

關注我們Facebook專頁
    相關新聞
      更多瀏覽