【就生得!】車婉婉玩肚皮繪畫:細個想老公似Snoopy
2017年03月11日07:00

車婉婉上年宣佈成功陀B仔!唔經唔覺佢同老公嘅愛情結晶品下個月就出世。呢日佢就去咗搵肚皮繪畫師,喺佢肚皮上畫畫,希望可以留個紀念咁話:「其實喺外國都好流行嘅,了解晒啲顏料對BB冇害後,就決定畫。」

之旦係點解要揀畫Snoopy呢?婉婉話自己一直都好鍾意Snoopy:「細個直頭想搵個老公似Snoopy,依家我老公都有啲似!」婉婉又話,其實一般都係陀B陀到6個月左右就畫,而且佢依家個肚都比較大:「可能飲得多湯水,所以繪畫師都要加大幅畫嘅比例!」

婉婉又話,呢啲手繪好少保留過夜,所以影完相後要清洗,佢都話好唔捨得,所以搵咗條紗巾將圖案印喺上面留念:「第日可以俾阿囝睇,話佢知未出世嘅時候,Snoopy就喺佢上面!」

關注我們Facebook專頁
    相關新聞
      更多瀏覽