《千奇百趣》索特務 朱智賢 vs 馮盈盈
2017年03月07日19:02

10點半播出的《千奇百趣特工隊》,除咗原有班底森美同小儀外,更加入兩位索女特務 朱智賢 及馮盈盈!兩人着上緊身黑色漆皮制服、短裙仲有魚網絲襪,引到一班男觀眾晚晚追看!朱智賢及馮盈盈都係選港姐出身,前者擁有魔鬼身材、散發陣陣女人味;後者則青春無敵、笑容甜美。魚與熊掌,不可兼得,唔知大家又鍾意邊一位多啲呢?

撰文:東方新地

圖片:myTV、Instagram、新傳媒資料庫

《千奇百趣》索女特務

《千奇百趣》不經不覺來到第十輯,森美、小儀今次化身特務首領,將台灣、日本、香港的奇人趣事送給觀眾,並與嘉賓藝人解決難題。今輯再加埋兩位索女朱智賢及馮盈盈扮女特務,一身黑色漆皮制服、短裙仲有魚網絲襪的造型,令節目更有睇頭!

除咗喺兩位主持旁邊騷靚樣晒長腿外,朱智賢與馮盈盈仲會為主持及嘉賓提供tips,不過孰真孰假就要自行判斷啦!

《3日2夜》咪神 朱智賢

現年30歲的朱智賢 ( Ashley) 2013年參選港姐,雖然未能打入三甲,不過就有機會擔住唔同節目的主持,曝光率甚高。之後Ashley主持J2節目《3日2夜》時大晒身材,連換多套三點式泳衣享受各式溫泉,除咗谷盡C級上圍,仲大晒馬甲線及纖腰,身材玲瓏有致,睇到觀眾眼定定!正式成為新一代咪神!

火辣身材好吸睛

1986年在香港出生的Ashley,曾就讀於新西蘭奧克蘭大學及香港科技大學,入行前曾任職空姐及財經公司公關。雖然30歲就唔算青春少艾,不過Ashley就女人味十足,又毫不吝嗇晒火辣身材,難怪有咁多宅男粉絲!

煞食美腿冇得輸

Ashley身高171cm,一雙白滑長腿好煞食!

港姐冠軍 馮盈盈

另一位索女特務,現年22歲的馮盈盈 (Crystal),未入娛樂圈前已經係港大女神,去年勇奪香港小姐冠軍後,今年再代表香港奪得中華小姐季軍。

Crystal畢業於香港大學食物及營養學系,名副其實係美貌與智慧並重,不過佢尚未卸任,所以未有機會拍劇,今次《千奇百趣》係當選後第一個節目。雖然造型好吸引,不過亦有觀眾批評佢個格非常港女,而且聲線太高音,希望佢會改善吓啦!

22吋小蠻腰

雖然馮盈盈身材就唔及朱智賢咁噴血,不過勝在夠平均,手腳纖幼,仲有條令無數港女羨慕的22吋小蠻腰!

造型百變

Crystal選港姐前造型已經好百變,今次喺《千奇百趣》扮特務可謂駕輕就熟,唔知大家最鍾意邊個look呢?

全文完

相關文章:

亂入食品廣告 許志安 鄭秀文溫馨遊日

《 迷 》結局篇 家榮墜樓慘死 喬柏向穎妍求婚

孫耀威 完美重現〈愛的故事 (上集)〉

關注我們Facebook專頁
    相關新聞
      更多瀏覽