緋聞傳足1年拒認愛 高海寧鄧智偉打邊邊斷正
2017年03月07日16:04

【星島日報報道】「無線咪神」高海寧(高Ling)跟音樂人鄧智偉的傳緋聞足1年,但二人卻堅拒認愛,不過這地下情日前終於「斷正」,被《東周刊》拍得二人打邊邊幽會,今次冇得話「唔熟」啦呱!

30歲的高Ling雖然唔認戀40歲的鄧智偉,但從不掩飾對鄧智偉存有好感,公開大讚對方「高富帥」、「有才華」、「人又好」。為將感情事低調處理,高Ling都是去男友家拍拖過「二人世界」,不過日前二人難得出關去拍拖開餐,雖然同行有一名友人做電燈膽作掩護,但當飲飽食醉離開,在街上等七人車司機來接時,二人甜蜜傾談,高Ling更不時被男友逗笑。

報道仲話高Ling於1月生日時,與男友去馬爾代夫旅行預支蜜月,回港後難掩風騷,心情大靚,還在社交平台大派福利,貼了多張外遊性感靚相,懷疑揸機的正是鄧智,因為她說影相的朋友好多方面都好有才華。另外,農曆新年期間,一班藝人去苗僑偉屋企團拜,高Ling同鄧智偉都現身大合照中,仲不避謙企埋一齊。

關注我們Facebook專頁
    相關新聞
      更多瀏覽