【咁都得!】三胞胎被用作政治宣傳 宋一國:懇求你唔好
2017年03月06日07:00

韓國男星宋一國嘅三胞胎囝囝大韓、民國同萬歲,雖然已經退出人氣育兒節目《超人回來了》,但呢三位小朋友嘅人氣依然未減,老竇亦不時將帶佢哋出去玩嘅相放上網,等粉絲們可以解下「單思」之苦!

不過人氣高都有壞處,就係容易被「利用」,好似呢日網上就有一張見到三胞胎,被合成放喺韓國國旗前,下面寫住:「推薦金鎮台國會議員」,有網民睇完後即刻對三胞胎被利用作政治宣布表示憤怒!

老竇宋一國亦喺Twitter留言話,作為父母,懇求對方唔好拎佢三個小朋友去作政治用途。有網民亦提議宋一國控告對方,避免同類事件發生。而金鎮台議員方面就回應話,佢哋冇發出有關訊息,亦唔知發送人嘅身份,否認同事件有關!

關注我們Facebook專頁
    相關新聞
      更多瀏覽