降服女星殺手 搬入貝沙灣 苟芸慧預告嫁得
2017年03月03日18:45

33歲的 苟芸慧,近年狀態回勇由肥苟變索苟,去年被爆撻着富三代陸漢洋(William),感情冇着落多年的苟芸慧本來打死唔認,但近日冧爆指對方是其專屬柴可夫司機,近日出入均乘坐以陸的名下公司登記的車輛出入,更由跑馬地唐樓秘搬進貝沙灣豪宅。不單生活指數十級跳,又公告會計劃人生大事,講到咁白,隨時步鍾嘉欣BB後塵閃婚閃生,處女黨即將全面瓦解﹗

Sweet爆過情人節

苟芸慧的體重和戀情同樣備受外界關注,去年9月被影到和陸漢洋雙雙現身音樂節,10月再被影到出席陸的生日party,但一日男未認頭,女仍未敢公開認愛。直至情人節翌日,陸漢洋上載着圍裙煮情人節大餐的照片,留言所指的「the person I love」明顯就係緋聞女友苟姑娘,被男友賜名分,戀情浮面,可以放心晒愛!

預告嫁得

苟姑娘早前出席活動時,冧爆認陸漢洋係佢專屬司機,而問到係咪公開戀情?佢甜笑咁答:「想留俾佢答,雖然佢低調,但都會出嚟見人嘅,好多謝佢情人節俾咗驚喜晚餐我,好sweet,佢係個好細心、係個幾啱我嘅人。」苟姑娘剖白會認真考慮自己的人生大事,另外又透露男方在農曆新年期間拜訪過來港度歲的父母,父母對陸漢洋評價係夠細心!

安排住貝沙灣

陸漢洋何止對苟姑娘細心,連起居生活亦照顧周到,現時出入坐嘅保母車都係男友公司名下的。而且陸漢洋安排女友由跑馬地唐樓搬到貝沙灣豪宅,因為自己喺嗰度另有單位,方便照顧女方!

激罕賜苟姑娘名份

原名陸恭和的陸漢洋今年43歲,家底豐厚,係馬來西亞錫礦大王陸佑後人。父親係公和建築創辦人陸孝佩,母親則為聖安娜餅店創辦人Catherine。佢曾經同唔少女星包括應采兒、官恩娜、樂基兒等傳緋聞,但從來未公開承認任何一段戀情。今次與苟芸慧9月被爆戀情,暗撻約半年,感情大躍進。獲男方激罕賜身份,苟姑娘今次好事近啦!

全文完

相關文章:

變臉之《迷》! 簡淑兒五年進化史

事隔七年再合作 黃子華佘詩曼拍《楝篤特工》

與王浩信再續前緣 婚紗千雪BB海邊晒線

關注我們Facebook專頁
    相關新聞
      更多瀏覽