毀童年系列? 台版《櫻桃小丸子》成班超齡小學生
2017年02月28日13:31
小丸子一家;汪東城出演花輪。

【星島日報報道】陪伴唔少人長大的日本經典卡通《櫻桃小丸子》,係日本國民動畫,曾翻拍過小丸子真人版,飾演小丸子及「3年4班同學」的童星都精靈可愛。台灣去年2月同樣翻拍真人版,但竟然唔係搵小朋友主演,而去搵成班大人飾演小學生,究竟係咩玩法?

近日台版小丸子預告片曝光,汪東城出演花輪、小丸子由新人林芯蕾飾演;打入台灣市場的松岡李那扮演野口,就連「日本通」王友良都有份拍攝,演大野一角。小丸子姐姐由魏蔓出演,小玉是曾允柔;小丸子「3年4班同學」中的豬太郎、藤木、永澤、丸尾、濱治等角色,通通冇走雞,由大人賣萌扮可愛。

選角方面,網民有讚有彈,見住咁多位超齡小學生,網民大呼「毀童年」、「小丸子好老」。不過爺爺角色由顧寶明飾演,網民就讚好相似,係「神還原」。其實套劇由原作者決定選角,大人扮細路,實在係新穎的背景設定。

關注我們Facebook專頁
    相關新聞
      更多瀏覽