【裝修風水學】裝修書房要留意!9大風水禁忌
2017年02月27日17:01

(文:巨龍)

如果屋企有間屬於自己嘅書房可以學習工作係幾咁幸福嘅一件事,呢個私人空間令我地更好咁發揮自己所長。書房呢個特殊嘅地方,除咗裝修需要注意之外,但原來風水方面都有好多講究,以下裝修佬同大家分享書房風水嘅相關知識。

1書房門不能正對廁所、廚房門

書房門朝向好關鍵,唔可以對正廁所門同廚房門。書房位於文昌位,如果正對廁所門,污濁之氣會直接流入書房內,故會無貴人、犯小人,影響學習及工作品質。廚房屬火,對著廚房門火氣太大對於主人思想容易唔集中。

2書房用色忌花巧

書房屬木,牆面設色以綠色為佳,切忌花花綠綠,過於花巧容易造成人精神恍惚,頭暈眼花,或者容易犯睏,學習工作較費勁。

3書枱上方不可有橫樑

橫樑壓頂相信大家都有聽過,除咗沙發同床上唔可以有橫樑之外,其實書枱都一樣,被橫樑壓意欲有志難伸,有潛力卻發揮唔到,而且書房內外唔可以出現尖角,容易令人心神不寧、注意力難以集中。

4裝飾畫有講究

書房最好係懸掛書法作品,白紙黑字嘅書法會令人精神振奮,同時亦增加書房嘅文學氣息。其次,亦可係書房中擺放畫作,以中國畫為佳,因為中國畫比較講究意境,令人聯想到古代文人墨客。如果書房係歐式裝修,則可選擇相應油畫,但畫面內容應以靜態怡人為主。

5燈光照明

書房燈光照明,以日光燈同白熾燈交織佈局為佳,既可光線充足,又唔張揚,適合學習、工作。切忌用過於花巧彩燈放置,以免令人眼花繚亂,難以安心,避免用落地大燈直照後腦。

6書櫃高度不可太高

書櫃太高會令學習或工作嘅人產生強烈壓迫感,長期落去容易令人精神壓抑、心神不寧,不利於學習同工作。

7書櫃應擺係書枱左側

文昌位係左側,而書櫃材質最合適木材質,因為木屬性向上、積極,而金屬材質本氣收縮、內向、不求進取。

8書櫃唔好直對大門

風水學認為,書房乃財富與智慧聚集地,而書櫃擁有大量書籍,正是智慧嘅象徵。如將書櫃正對著大門,會出現財富、智慧流失。如果因為區域、佈局、空間原因,無法同大門隔開,業主可以選擇稍微移動傢俱方向,令書櫃唔正對大門即可。

9書櫃唔好塞滿圖書

書櫃內唔好塞得太滿,從傢俱保養角度來睇,如果書櫃長期塞滿圖書,容易導致書櫃變形,從風水角度講,塞滿書嘅書櫃唔透氣,容易令人情緒煩躁,頭腦缺乏靈感。

(以上圖片均來自網路,如有任何版權問題,請與本站聯絡)

原文連結:

【裝修風水學】裝修書房要留意!9大風水禁忌

相關文章:

【裝修風水學】犯禁會行霉運!玄關裝修的5大風水禁忌

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

關注我們Facebook專頁
    相關新聞
      更多瀏覽