【呢個香港人】香港太多大嘥鬼 !「 過期食物 」都食得
2017年02月24日20:49

新年過後,不少人家中都團積了大堆賀年食物,放放下又到「此日期前最佳」的日子1,個個都變大嘥鬼。民間環保組織「神期食品」(After Best Still Good)FB Page,成員之一Celia 花多年研究「此日期前最佳」標籤所引來的食物浪費問題,希望令仍可食用的「 過期食物 」,救得一件得一件。

撰文:彭美芳 | 攝影:潘樂文 資料圖片:神期食品

拋棄 過期食物 問題近年日益嚴重,FB Page神期食品的版主之一Celia不時四出搶救食物。過期食物 商家係最大的大嘥鬼!

神期食潮雖然未成大勢,但是開始受關注。Celia對於周街棄置食物的問題,經常被激得「紮紮跳」,2月屯門垃圾站出現幾百盒卡樂B;1月尾見觀塘垃站外十幾箱賀年糖果,粉嶺又有幾百枝2公升裝礦泉水;1月中尖鼻咀山路發現數百枝能量水,元朗街頭見萬包能得利⋯⋯還有許多例子,Celia說:「越來越多浪費,可樂、能得利到薯片,唔係普通人可做出嘅浪費量!」 還原基本步,要由商業層面,減少浪費,其中一條路就日是改良「此日期前最佳」標籤的理解。

去年12月,大批可樂被棄置於垃圾站。
可樂和一般大型傢俬棄置垃圾站,汽水扮傢俬!
神期食品收到報料,會盡快放上FB,希望所有人一齊搶救食物,不要白白堆填。限期惹的禍

根據香港法例第132W章<食物及藥物(成份組合及標籤)規例>,預先包裝食物須要加上標籤,例如此日期前最佳(Best Before Date) 或 此日期或之前食用(Use By Date), 用作規管食物,以下是食物安全中心對兩者的定義。

「此日期前最佳」:食物品質(顏色、味道及外觀等)在限期内若適當保存,可保持最佳狀態,但不表示過了限期,就會即時變壞,對健康構成危險,這這種標籤通常出現在罐頭食品。

「此日期或之前食用」:如過期後食用,對健康構成危險的機會較高, 超過此標示日期的食物便不可出售,這種標籤通常出現在奶類、鮮製食品上。

既然「此日期前最佳」 的食物仍可以吃,為何商家又把大量包裝完好的食物丟棄街頭?Celia批評,商家為保障自己聲譽,過了「此日期前最佳」 的死期而繼續售賣的話,或會令消費者失去信心,而減低利潤。

Celia解釋,Best Before Date 代表食物在限期後3個月,風味仍不變。
日式產品用的「賞味期限」,等同我們常用的Best Before Date。
這款朱古力列明16年10月做食用限期,Celia說由於朱古力高糖,所以這個時間後的18個月內,風味仍然保持不變。專家話:均衡飲食 分散風險

理大應用生物及化學科技學系客席副教授梁嘉聲認為,現時法例已規定了Use By 的食物,過了期就必須下架,而Best Before的食物則不是必須下架的。梁副教授認為,商家售賣Best Before之後的食物屬於觀感問題,消費者給商家的壓力比法例更大,因消費者可能質疑商家售賣過期食品而失去信心。他本身也會買過了Best Before Date的食物,「呢個係可持續性嘅問題,食得點解要嘥,要保護地球。」最好的方法係均衡飲食以分散風險。

理大應用生物及化學科技學系客席副教授梁嘉聲

Celia也反思,沒有Best Before Date之前,我們如何選擇食物?她指政府在2006年立例要標籤食物日期,今時今日大家就「睇日子做人」,一刀切棄置這類過期食物。 她說,「食物發咗霉、變咗味就唔可以食,可以觀察下食物質地有無變壞,用返基本常識去判斷食物是否真的變壞,是否一定要丟棄?」

Allison覺得香港人越來越肯接受Best Before Date之後的食物,也多了食品公司在限期前轉售食物給GreenPrice,令她對這行業的前景樂觀。明買明賣!過期食物 「一折」救地球

而Celia的朋友Allsion,同樣都是打救 過期食物 的推手,她和3位朋友成立社企GreenPrice,在網上及觀塘Popup Store專賣過期食物,由糖果、餅乾到醬汁都有,開業半年逢周六日開門,一折或更低價售出過了Best Before Date的食物,Allsion說:「我們同商家攞貨時候,會同對方一齊在現場試味,了解該款食物的質地、味道,怎樣分辨是否變壞,才收購貨品。」Allison去年讀大學時,每次搬Hall 都發現宿舍廚房有大量食物,她便在網上免費轉贈, 到後來想到用企業模式,做生意以加大減廢效果。

經營GreenPrice這個社企,主要以不浪費食物為原則,如果真的未能成功賣出過期食品,會聯絡非牟利組織,一齊試味,雙方覺得質量無問題,GreenPrice就會捐出貨品,好似近期賀年的曲奇、朱古力、糖果等就由社福機構接收。雖然現時尚未收支平衡,但Allison 有信心未來一定得,日後會找實體店,在較窮困的社區營運,希望更多人可以「一折救地救」。

GreenPrice的貨源由於沒有定時供應時間,所以貨品經常不一樣,由罐頭湯、果醬、公仔麵、餅乾同味噌都有,價錢不用$10有交易。
左起:保健食品、果乾、餅乾、粟米脆條,售價都是市價的10%。
這批茄汁、果醬、花生同曲奇由於過了Best Before Date的3個月,所以已聯絡社福機構接收,送贈有需要家庭。
位於觀塘的GreenPrice暫時租用工廈單位做鎖售點,未來或有地舖實體店。

神期食品

FB Search: afterbeststillgood

GreenPrice 綠惜超級市場

FB Search: GreenPrice 綠惜超級市場

地址:觀塘開源道60號駱駝漆大廈3座5樓N室

電話:6693 0566

相關文章:

【呢個香港人】香港首間 文具銀行 收藏家轉贈文具予小孩

排長龍!全人手製 368層古法 酥皮蛋撻 |九龍城食乜好|

韓妹大推「 宅女運動 」! 每日6分鐘 躺著都能瘦

關注我們Facebook專頁
    相關新聞
      更多瀏覽