老公見血會暈 車婉婉勸掂陪入產房
2017年02月22日11:32
車婉婉唔想老公後悔,勸他入產房見證小生命誕生。

【星島日報報道】臨盆在即的車婉婉孖實澳籍老公Johnathan出席首映禮,她指心情緊張又不捨得,因為同朋友出街可以有型話走先,但BB出世後要調轉跟住朋友走,所以會掛住懷孕的感覺。身為高齡產婦的車婉婉,獲多位有生仔經驗的朋友送嬰兒產品到家中,毋需她四圍買。

原本車婉婉今個星期睇醫生後才執定「走佬袋」,但弟婦得知還未整理,即帶她買齊用品,又自爆最近學煲薑醋。不過老公不太明白,但車婉婉解釋食薑醋會令媽媽身體好。

問到老公可有心理準備做爸爸?車婉婉笑指仍未接受家中會有新住客,對方原本不陪伴入產房,因為怕見到血會暈,於是她為老公心理輔導。車婉婉說:「我同他講未有下一個BB,人生一次機會失去就會後悔,他即刻問生過仔的朋友,叫他到時捉住老婆隻手乜都睇唔到,就決定陪我入產房。(剖腹還是順產?)嚟緊睇醫生仔視乎BB體積同自己心理狀態再決定。」

關注我們Facebook專頁
    相關新聞
      更多瀏覽