《誇世代》Bobby叫坤哥「Seven」 陳豪森美Hehe肉搏
2017年02月21日18:56

繼《溏心風暴3》、以及張衛健回巢擔正的《大帥哥》外,另一無綫50周年台慶劇、50集長劇《 誇世代 》日前亦在將軍澳電視城進行拜神儀式。此劇動員逾70位演員拍攝,係以銀行界為背景炮製的輕鬆喜劇,而重頭劇陣容當然強勁,演只包括歐陽震華(Bobby)、陳豪、張繼聰、森美、田蕊妮、李佳芯、邵美琪及麥明詩等,肯定擦出唔少火花!拜神儀式上,眾演員除了介紹劇情及角色外,Bobby竟然幫吳業坤(坤哥) 改花名;而森美就自爆會演出親熱戲,不過係同陳豪拍!

幫坤哥改花名「Seven」

今次Bobby個角色叫「宋仲基」,佢就不忘發揮搞笑本色,表示自己曾經同監製講不如角色叫「崔智友」,但對方話係女仔名嚟,於是Bobby話:「不如我做佢大佬崔智冇啦!」另外Bobby喺劇中同坤哥有唔少對手戲,但佢嫌對方角色名「James」唔襯,所以幫對方改咗個花名「Seven」!

Bobby話咁多前輩在場,如果John哥(姜大偉)、Benz哥(許紹雄) 都叫坤哥就會好奇怪,所以都係叫Seven啦!咁點解要用呢個名?Bobby就笑說只係一個數字,有咩意思就大家自己領會啦!

陳豪肉搏森美

另一主角陳豪就話今次要配合劇集操肌,因為要演出好多除衫、換衫戲,仲要打boxing!不過佢就話自己好耐無練過,而且減磅容易,操fit難,所以要向同劇的張繼聰請教操肌心得同餐,希望自己起碼要有兩舊朱古力見人!

而劇中飾演陳豪弟弟的森美,今次角色名叫「古天諾」就搞笑咁話自己事前問監製自己有冇親熱戲,對方答有,但竟然係同陳豪拍!原來陳豪所講的除衫、換衫肉搏場面,係同森美拍!「Hehe」味好濃呀!

美女如雲

男主角卡士強勁,女主角方面亦唔輸蝕!資深一輩有視后田蕊妮、邵美琪、江美儀及胡蓓蔚,另外仲有李佳芯、龔嘉欣、麥明詩及陳嘉寶等索女,劇集一定令觀眾目不暇給!

全文完

相關文章:

綠葉女王 吳妍雅 《被告人》《Voice》連環被殺

《 有樓萬事足 》「高潮女」Seasun VS 「105%姐」Macy

ViuTV《胸X計》 Coffee 林芊妤被迫食屎!

關注我們Facebook專頁
    相關新聞
      更多瀏覽