【大個仔!】陳宇琛娶前主播 攬實老婆:盡我全力畀幸福你
2017年02月19日07:00

陳宇琛(石仔)舊年同有線前主播女友林佑蔚(Camille)求婚,本來仲話預計婚禮喺年底進行,但呢日佢哋已經正式行禮註冊,新娘仲大賣性感,露出事業線!

陳宇琛同Camille喺婚禮上講出自己感想,Camille話:「自己好幸運可以叫你做我老公,你令我感到非常驕傲,因為你係我身邊『其中一個』最真誠嘅人。」其間仲喊出嚟,非常感人!

輪到石仔,佢話好欣賞Camille係一個好唔自私嘅人:「我喺你身上學到,點樣去珍惜身邊朋友。求婚時我都make咗個commitment俾你,就係話無論我幾辛苦、無論要我付出幾多,我一定會盡我全力,畀你幸福、照顧你。同埋Camille、同我爹哋媽咪。Welcome to the family !」

石仔接受訪問時話打算遲下去英格蘭舉行婚宴,問到石修點祝福兩人,佢話:「爸爸好簡單直接,只希望我哋開開心心。」

關注我們Facebook專頁
    相關新聞
      更多瀏覽