【冇散到!】洪永城孖唐詩詠團拜 分手傳聞不攻自破?
2017年02月04日07:00

洪永城之前被周刊爆料,話佢對相識10年嘅「翻版徐子淇」Kanice Po念念不忘,搞到佢激嬲「不能錯過的女朋友」唐詩詠,詩詠更以WhatsApp提出分手!當事人例牌否認,仲話大家想像力太豐富。

洪永城之後出席活動時,就話今個新年會陪多啲女友,亦會同佢四出拜年,估唔到佢今次講得出之做得到,初四晚有公司搞團拜,古天樂亦有現身,有人同古仔影相時,見到身後面一對「被分手」情侶洪永城同唐詩詠!

雖然相入面見到洪永城係度發呆,而唐詩詠托住腮同坐喺另一邊嘅朋友傾偈,但一坐得埋一齊,似乎分手傳聞應該會不攻自破!唐詩詠接受傳媒訪問時只係話冇任何回應,而洪永城就話當日只係正常拜年。

關注我們Facebook專頁
    相關新聞
      更多瀏覽