【裝修佬話你知】拒絕惡菌!不同枕頭的清洗方法
2017年01月20日17:02

(文:呀J)

同為床上用品,我地會注意清潔床單被褥,往往容易忽略咗枕頭嘅清潔,其實,我地每晚瞓覺會不經意流口水、排出汗液,而呢D分泌物會直接滲透入枕頭內裡,滋生細菌,從而導致容易患上呼吸道及頭部皮膚疾病,影響人體健康。枕頭應該點洗呢?裝修佬話你知。

各類枕頭的清洗方法

羽絨枕:羽絨枕蓬鬆度好、質輕、透氣,能夠俾頭部提供唔錯嘅支撐作用,唔會因為用耐咗變形。

清洗方法:羽絨遇水容易起球,所以唔可以落水清洗。日常可經常性用手輕拍枕頭,保持蓬鬆,放係通風地方吹風,去除汗味及水氣便可。

纖維枕:纖維枕係人造纖維製成嘅枕頭,由於材質唔透氣,用耐咗容易變形,缺乏彈性,枕頭呈現高低不平狀態。

清洗方法:手洗、機洗均可,但要選擇溫和洗滌劑。機洗時最好加塊毛巾一齊洗,以均衡水流,洗完後最好烘乾,咁樣有助於枕頭恢復彈性,柔軟蓬鬆。

乳膠枕:乳膠枕彈性好,唔易變形、支撐力強,乳膠對於骨骼正在發育嘅小朋友來講,可以改變頭形,而且無可能引發呼吸道過敏嘅灰塵、纖維等過敏源。

清洗方法:係加油清潔劑嘅凍水中浸,用手輕壓枕頭,直到無多餘嘅洗滌液,之後過清水,反復沖洗便可。

唔可以只洗枕頭套而唔洗枕頭

好多朋友認為枕頭套足以保護枕頭,只要定時清洗枕頭套就可保持枕頭乾淨衛生,其實不然,瞓覺時我地會不經意流口水、分泌汗液等都會滲透到枕頭入面,滋生細菌,引發過敏及疾病,所以最好每3~6個月就清洗一次枕頭,每個星期擰到太陽光下殺菌去味。

(以上圖片均來自網路,如有任何版權問題,請與本站聯絡)

原文連結:

【裝修佬話你知】拒絕惡菌!不同枕頭的清洗方法

相關文章:

【室內裝修】木制家具帶來一室暖和

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

關注我們Facebook專頁
    相關新聞
      更多瀏覽