參觀清帝大婚 展覽 體驗 帝皇式婚禮
2017年01月13日10:00

結婚係人生大事之一,唔少朋友都希望有咁大搞到咁大!好似以前皇帝咁豪氣就最好不過!想唔想知帝皇式婚禮係點?嚟香港文化博物館就啱喇,依家舉行緊嘅「香港賽馬會呈獻系列:宮囍- 清帝 大婚慶典」 展覽 ,展出好多 清朝皇帝 嘅婚禮展品,立即睇吓有咩精彩位!

資料由客戶提供:香港文化博物館

必玩影相位:試著皇后大婚禮服

相信好多女仔都會想有個盛大嘅婚禮,一件高貴華麗嘅禮服一定唔少得!今次 展覽 仲有得畀你試著皇后嘅大婚禮服,一嚐當皇后滋味!

精彩位(一):巨型大婚圖 突顯非凡排場

想知帝王嘅婚禮幾隆重,一定要睇呢10幅長達12米的《載湉大婚典禮全圖冊》冊頁,當中〈賜宴圖〉兩張冊頁更展現咗光緒 皇帝 大宴皇后父親宗族同群臣嘅盛大場面,排場好犀利,外國使節都係座上客。

睇〈賜宴圖〉咁大幅就知道光緒結婚嘅盛大場面!

記錄咗喺《載湉大婚典禮全圖冊》第八冊《慶賀頒詔賜宴禮節圖》入面。

〈賜宴圖〉畫功好仔細,睇到哂當時嘅結婚畫面。精彩位(二):皇帝新房 3日限期?

咩話?皇帝嘅新房只得3日限期?係呀!根據記錄,原來一般皇帝只會喺新房陪皇后3日咋!女仔們聽到呢句係咪即刻唔恨做皇后呢?

皇帝新房原來係咁樣!皇帝新房坤寧宮東暖閣係故宮嘅禁地,去到北京故宮都睇唔到!香港文化博物館專程申請入禁區、實地觀摩皇帝新房,再按新房原景打造模擬版,像真度極高!

仲有互動區,可以邊玩邊學歷史!精彩位(三):高貴嫁娶首飾

相信睇到呢個位女仔們都好開心喇,以前古代未興用鑽石,不過全部首飾都好靚好華麗!

唔知大家最鍾意邊款呢?

清(1644 – 1911),金鑲四龍戲珠鐲一對及白玉浮雕纏枝花紋手鐲一對。

女model就最鍾意呢對鐲!精彩位(四):大婚龍袍

結婚當然唔可以唔睇皇帝皇后著咩衫,展覽展出咗2件皇帝皇后龍袍,就咁睇都覺得好豪氣呀!

明黃色緙絲彩雲蝠雙喜金龍紋男夾龍袍,係光緒皇室帝大婚時穿用嘅。精彩位(五):皇帝大婚迎接皇后嘅轎

睇古裝電視劇就成日見到古時嘅花轎,不過原來清代嘅大婚轎係咁!

明黃色呢架係皇后專用嘅大婚轎,叫「鳳輿」,要由16個人抬。

精彩位(六):香港舊式婚禮 鑽石酒家龍鳳大禮堂 + 20年代裙掛

睇完清帝婚禮 展覽 ,仲可以過隔離另一個睇香港舊式婚禮展覽,認識下舊香港嘅婚禮文化。

呢個鑽石酒家龍鳳大禮堂裝飾構件,由鑽石酒家有限公司捐贈。1960年代後半期,香港市民生活水平逐漸提高,酒樓為吸引顧客,特別以富麗堂皇嘅龍鳳大禮堂作招徠。

另一邊廂亦展出咗唔同年代嘅裙掛,最耐個套係1920年代,即係太婆個代!

雖然同而家裙掛唔同,不過都好華麗高貴,女model就最鍾意呢套龍鳳牡丹圖案嘅珠石裙掛,係1960年代嘅款式,好PINK好搶眼!

「清帝大婚故事隨身聽」語音導賞應用程式

為配合展覽,香港文化博物館推出智能手機語音導賞應用程式,以廣播劇形式介紹精選展品的內容和特色,俾觀眾一邊聽故仔、一邊認識展品。

應用程式可以以QR Code下載:

App Store: Google Play:

展覽 詳情:

展覽 :「香港賽馬會呈獻系列:宮囍-清帝大婚慶典」展覽

地點 :香港文化博物館一樓專題展覽廳一、二、五及聚賢廳

日期 :30.11.2016 – 27.2.2017

入場費:標準票 20元 團體票 14元 優惠票 10元

網址 :http://hk.heritage.museum

相關文章:

連帽外套大熱款!!! 8大 NIKE LAB 高階功能外套

食肉獸集合!!元朗3間必食美味 豬扒飯 ~

夠鐘辦年貨! 欣宜曲奇 出賀年禮盒 新口味紅豆麻糬抹茶+拖肥朱古力脆曲奇

關注我們Facebook專頁
    相關新聞
      更多瀏覽