溫拿太極合體博覽館開騷
2017年01月09日03:00
  溫拿與太極演唱會前晚於亞洲博覽館開騷。

【星島日報報道】《純音樂2017溫拿與太極演唱會》前晚於亞洲博覽館舉行,任達華與太太琦琦、朱潔儀、羅傑承夫婦、林建名、王梓軒等入場欣賞。

太極樂隊打頭陣獻唱英文歌《Hotel California》,當晚亦唱出英國組合Wham的歌曲《Careless Whisper》。輪到溫拿樂隊出場,鍾鎮濤(阿B)笑指今次場地好陌生,因大多聽外國Rock Band,不過首次有香港Rock Band。譚詠麟笑言未知跟紅館的觀眾可有分別,並要求觀眾畀反應,他大讚後排觀眾反應不俗,更叫大家企晒起身要證明香港有好勁樂隊。

最搞笑是阿倫謂溫拿的歌迷大部分也識唱他們的歌,就算不是歌迷也跟得兩句,又指樂隊早期接觸英文歌,當時個個也拎住結他夠晒威。B哥指當年溫拿樂隊翻唱不少英文歌,阿倫聞言即謂:「阿B,唔好咁講,我哋係揀有品味嘅歌嚟唱。」

溫拿和太極合體後,唱到尾聲阿倫頭上的髮型亂到似電視劇《十兄弟》的角色飛天五,連台下觀眾也引不住笑。阿倫又搞笑謂溫拿和太極加埋有80幾年歷史。太極的雷有暉笑阿倫突然好數口嘅,阿倫還擊自稱是十大商業奇才。

完騷後,阿倫笑言今次開騷好盡興,直情身上的內褲也扭出汗水。談到髮型亂到似開花,阿倫笑謂跟陳奕迅學習,一夜之間變成純實力派。問到隊友何不提醒他髮型很亂?他說:「提都無用,我又落唔到去,我夠知咯!」對於跟太極可會再有合作機會,他搞笑謂會一早去維園耍太極。太極的德哥笑言希望可以有內地巡迴個唱,更指他們說國語還可以。對於選唱《Careless Whisper》,太極的雷有暉直言懷念上月去世的歌手George Michael。

關注我們Facebook專頁
    相關新聞
      更多瀏覽