陳禛 嬲爆爸爸陳國邦「偷食」
2017年01月03日18:37

藝人陳國邦與羅敏莊的4歲女兒 陳禛 ,一向都是深受網民歡迎的星二代,一頭和父母一模一樣的曲髮非常可愛,一家三口常常晒合照,非常溫馨!日前羅敏莊上載一段短片到社交網站,見到一向聽教聽話的陳禛嬲嬲豬,原來佢捉到爸爸陳國邦「偷食」,大興問罪之師!最後陳國邦又道歉又送吻先氹番寶貝女,究竟係發生咩事呢?

捉面問罪

其實是咁的,原來陳國邦未經女兒同意,就食咗放在廚房的車厘子,搞到陳禛要向爸爸問罪!片段一開始見到嬲爆爆的陳禛走到陳國邦面前,然後捉住爸爸塊面話︰「你食我啲Cherry (車厘子)!」之後陳國邦就頭耷耷、扁晒嘴咁表示,啲車厘子放在廚房而又冇寫住係陳禛的,所以就食咗。佢仲同女兒講不知者不罪,希望女兒從輕發落!

錫錫言和

之後陳禛仲自爆自己因為冇車厘子食而喊咗出嚟,就算可以揀飲檸檬茶同橙汁都一樣唔制!於是陳國邦不斷「耍冧」又承諾陪女兒玩,最後陳禛終於笑番,兩父女錫錫言和!

其後羅敏莊接受訪問時,表示片段其實係「案件重演」,原來「案發時」陳禛知道車厘子被爸爸食咗真係好唔開心,仲喊咗出嚟!羅敏莊又話女兒平時都好鍾意拍片,將剛發生的事情重演出來,絕對遺傳到父母的演藝天份!

相關文章:

多次夜訪香閨 馬明暗撻黃心穎一年

2017第一喜 42歲楊采妮懷孕五個月

奇門遁甲 雲文子2017雞年 肖猴運程

關注我們Facebook專頁
    相關新聞
      更多瀏覽