脹奶凸肚 吳若希潛逃澳門等生
2016年11月10日08:46

吳若希 今年七月高調宣布跟澳門闊少Alex(何兆鴻)拍拖,不時放閃晒蜜遊照,兩個半月後吳若希突然在IG宣布分訊,但不久後便秘密復合,更傳出女方懷有身孕的消息!事有湊巧,吳若希以健康為由向公司申請即時放一年長假,大肚傳聞愈傳愈烈。日前本刊獨家追訪吳若希秘密移居澳門休養身子,見到佢當日身穿鬆身衫、平底鞋,身形明顯泵脹,上圍離奇升級、腰粗肚凸凸,孕味濃﹗

閃分閃合勁離奇

吳若希今年七月高調宣布拍拖,經常在網上放閃,兩人的足跡更遍布台灣、布吉、日本、泰國。但在公開戀情後兩個半月,吳若希突然在IG宣布分訊,戀情話分就分咁兒戲?有指其實只係一場逼Alex就範的大龍鳳,兩人其實已經秘密復合,更傳出吳若希懷有身孕的消息!

而事有湊巧,吳若希早前以健康為由向公司申請即時放一年長假,安排在年尾的工作一一叫停;另外又在IG留言︰「有咗三個月會通知大家、結婚通知大家」實在耐人尋味!而一直未有露面的吳若希,原來已經秘密潛逃澳門,在Alex位於氹仔的豪宅休養身子!

脹奶凸肚過澳門

上星期五(11月4日),吳若希在工人陪同下,帶住大大小小五件行李坐船過澳門。當時素顏的吳若希臉部浮腫,以手袋遮肚,側面看見高瘦平的她腹部微隆,肚凸似有三個月身孕,上圍更似孕婦脹奶般激凸!男友Alex早在碼頭守候,但記者所見,呢對情侶見面毫不溫馨浪漫,Alex幫手搬行李放車尾箱,而吳若希則是由頭到尾低頭玩手機,連眼神交流都欠奉。

與愛犬團聚 終露笑容

在Alex的寓所逼留至傍晚,吳若希換上另一套鬆身衫,同樣係腳踏平底鞋,佢由Alex開車到船塢貨倉,但企唔夠五分鐘就攰極坐低,期間雖跟Alex稍有交談,但就惡形惡相,更一度眼神凌厲怒睥男友。直至工作人員推出一個狗籠,吳若希與愛犬「神犬Honey」重聚後先面露笑容,二人一狗齊齊返歸。

閃分閃合大龍鳳?

吳若希閃分閃合咁離奇,據了解原來拍拖無耐已想箍實有米男友Alex,拍拖初時對男友千依百順,但很快便港女性格、公主病現形,Alex開始疏遠。但吳若希發現有咗籌碼揸手,就決定以退為進,先發制人嗌分手!而Alex最後乖乖主動復合,佢知道Jinny係屋企經濟支柱,更送上何文田山畔一個九百幾萬單位,更會打本給女友做生意。希望吳若希會快啲公布好消息啦!

全文完

相關文章:

陳奕迅現身港大 瘋狂女粉絲上台送禮唔願走

事隔10年 混血女神 Leah Dizon索爆復出

陳奕迅 現身港大 瘋狂女粉絲上台送禮唔願走

關注我們Facebook專頁
    相關新聞
      更多瀏覽