迪士尼公主 │女神駕到│必掃6大精品過聖誕
2016年11月09日20:45

聞說一到聖誕,每個女生都會變成女神,但每個男生只會在等女神。計我暖男話機會是自己把握的,與其每年都「神女無心,襄王有夢」,今年一定要主動邀約女神一聚。今個冬日6位 迪士尼公主 「駕到」屯門市廣場,用女神姿態高貴現身,企定定畀大家打卡,仲帶埋6大限量日韓公主精品,簡直是約會女神的好地方,巴打們快手出擊吧!(溫馨提示,如果女神「飛機」大家,也可學記者自娛一番,跟公主自拍放閃。)

撰文:廿四孝暖男 │拍攝:Tony

公主駕到! 6大經典場景打卡位

女神都是只可遠觀,但今次卻可近看,更是由細睇到大的公主,大家又點可以放過?今次共6位公主,當中有收了7隻兵的白雪公主、裝富二代的灰姑娘以及宅女睡公主等等,每個都有真人大小,而且都有獨特背景裝飾,企在旁邊打卡自拍,效果一流,最特別的是雪姑身旁有七友,十分經典。

打完卡更有遊戲玩,化身灰姑娘喪跑避王子,亦扮可放公主天燈,相當環保。而場中有一座迪士尼公主城堡及8米高聖誕樹,於指定日期會有公主故事分享會及公主見面會,小朋友可以聽故仔。全場公主女神滿場飛,真是單身狗可以呃Like,情侶可以放閃晒命。

見到白雪公主就諗起首歌「雪姑七友七個小矮人」~~
今次無女神陪的記者惟有自己扮埋小矮人當兵。
係美女與野獸的貝兒呀!記者細細個好鍾意睇呢套戲呀。
睡公主!請你接受我的愛意啦。
灰姑娘隻玻璃鞋呢?
仲有長髮公主呀,睇下佢把頭髮,真係洗完頭都乾十世。
仲可以扮佢畀王子追,跑呀跑呀!記者跑到快到無影。
玩完更可以拖住公主影相,媽!我好毒呀。
記者仲試玩了公主天燈,見到自己個樣同公主在天燈上一齊飛上天,好浪漫呀!6大CP值高限定精品

打完卡,玩完遊戲,公主迷是時候準備銀包,因為現場仲Pop-up store,內有超過80款公主精品,記者精選以下6大限定精品,CP值夠高!記者雖是男兒身,但見到咁可愛又靚的公主精品都為之心動,女生更是必買!

雙面印花公主咕臣 $90

背面切合故事主題,都好靚㗎!
公主人形洗手液 $80 ,睇見到都覺得殘忍呀。
公主記事簿$40
灰姑娘書形膠餐盒$142 筷子$58
公主磨砂玻璃杯$158
公主面膜$26 暫時全香港得呢到有得賣咋!

「Dream Big, Princess」裝置及期間限定店

日期:14/11-2/1/2017 (10am-10pm)

地點:屯門市廣場一樓中央廣場 (顯示地圖)

查詢:2450 7782

相關文章:

天冷暖心 熱朱古力 6款 朱古力奶比拼|FOOD BATTLE|

日本環球影城 USJ 聖誕節 2016 | 新版Minions 爆谷筒 登場!

6個 粉色 系夢幻球場景點!這裡真的是我們的香港

關注我們Facebook專頁
    相關新聞
      更多瀏覽