陳奕迅 現身港大 瘋狂女粉絲上台送禮唔願走
2016年11月09日14:22

由香港電台、新媒體组别與香港大學通識教育部合作推出的一系列《大學問》講座,邀請來自不同界別的知名人士雲集大學講堂中,與年青一代對談,而昨晚嘉賓就係 陳奕迅 (Eason)!一副愛因斯坦look的Eason在講座中不負「吹神」之名,與同學們吹水吹得不亦樂乎,既有分享自己對音樂的見解,亦有談及不少人生道理,不過最爆都係有位女歌迷上台送禮物俾Eason,送完都唔肯走!

女粉絲想送禮俾Eason?

近距離見到Eason當然令人非常興奮,可以向Eason問問題就真係可一不可再!所以呢位被選中的徐小姐非常興奮地講過不停,先話自己好艱難先嚟到呢個講座,又話之前睇Eason演唱會都只係坐山頂位,另外又表示自己係因為〈陀飛輪〉先真正喜歡上Eason…. 不過講咗咁耐都仲未問問題,所以主持人都不禁要出聲打斷!

徐小姐終於講完〈陀飛輪〉的故事,然後講出佢個問題︰「Eason我可以送你一個禮物嗎?」台下觀眾立即嘩然!友善的Eason當然答應,於是徐小姐可以上台與偶像近距離接觸,送上自己的心意!

女粉絲不願落台

徐小姐上台後非常激動,拉住Eason唔放,似乎係介紹緊自己的禮物。不過主持人都非常客氣地說,其實講座時間有限,應該盡快讓下一位觀眾問問題,而且《大學問》的原意係知識上的交流,並唔完全係一個歌迷活動… 不過徐小姐眼裏只有Eason,繼續沉醉在自己的世界。

最後要請另一位工作人員上台「邀請」佢落台,不過徐小姐仍然係依依不捨,邊走邊望Eason,真係唱番句「難離難捨,想抱緊些…」

Eason自認「腳人」?

另外有同學問到如果「陳奕迅」三個字係形容詞,會係代表咩意思?Eason就笑稱應該代表「瘋癲」和「跳脫」,又話瘋癲都可以好正面。今晚之後大家都又多句潮話可以用︰「你好陳奕迅呀!」

亦有同學問及韓國K-pop不着重歌詞,Eason就中立地表示其實係大家選擇的問題,不過坦承好少留意日、韓音樂。但認真過後Eason卻忽然跳脫,話自己某日經過一個好大的電視銀幕,見到八個女仔、八雙長腿,就即刻停下來睇。佢話自己係一個「腳人」,十分欣賞腳… 男女都係!

即席獻唱〈我的快樂時代〉

難得請來Eason做嘉賓,當然要請佢即席開金口獻唱啦!期間兩位主持化身「人肉Mic Stand」,Eason則開始邊彈邊唱出經典歌〈我的快樂時代〉,在場觀眾聽得如癡如醉!

全文完

相關文章:

慳出九個物業 蔡少芬變近億樓后

事隔10年 混血女神 Leah Dizon索爆復出

裙褂製作逾二千小時 鍾麗緹靚爆出嫁

關注我們Facebook專頁
    相關新聞
      更多瀏覽