葉翠翠 微博宣布有喜 陀B四個月
2016年11月07日13:08

娛樂圈又多一位準媽媽啦!繼早前車婉婉、張名雅、楊愛瑾先後宣佈陀B後,2005年香港小姐冠軍 葉翠翠 亦宣布與建築師老公周曉東造人成功,懷孕四個月,今早在微博發相跟大家分享喜訊,恭喜恭喜!

今年35歲的葉翠翠,去年七月下嫁圈外建築師男友周曉東,當時於四季酒店舉行婚宴,並拍下一輯靚靚婚紗相,幸福感滿溢!另外翠翠一直表示婚後不設防,希望早日做媽媽,日前終於如願以償啦!

翠翠今早在微博上載與老公的甜蜜合照,並正式公開喜訊:「小生命快來到我們的家庭了 」,不過就未有透露腹中胎兒的性別。可見一張相係翠翠好sweet咁攬住老公,而另一張就拉埋愛犬一齊影,好溫馨!其實翠翠早幾個月在微博已經暗示有喜,不過可能怕BB小器,所以忍到依家先講!

而另一張相就見到兩大一小的海馬擺設,暗示即將會變成一家三口,睇嚟翠翠真係好期待BB的來臨!

全文完

相關文章:

慳出九個物業 蔡少芬變近億樓后

事隔10年 混血女神 Leah Dizon索爆復出

澳門送驚喜 JC 高呼:安志杰是世界上最浪漫的男人

關注我們Facebook專頁
    相關新聞
      更多瀏覽