袁詠儀 陀B兩個月? 張智霖回應︰係真嘅!
2016年11月04日17:44

袁詠儀 (靚靚)與張智霖(Chilam) 的兒子張慕童(魔童) 在2006年出世後,兩公婆曾講過希望可以追多個女,不過一直未有好消息傳出。但今日有報道指靚靚終於造人成功,現時陀B兩個月!到底是否屬實呢?今日Chilam同靚靚夫婦檔在澳門出席活動時,就正式解答大家!

今年45歲的靚靚在2006年時誕下兒子魔童,一家三口樂也融融,但靚靚曾經講過「有一仔一女,係人生一大樂事」,似乎好想追番個女!日前有報道指靚靚終於造人成功,現時陀B兩個月!報道指有人在香港機場捕獲Chilam及靚靚,當時佢頭戴Cap帽及身穿鬆身衫,腹部微隆,孕味極濃!

另外靚靚接受訪問時,雖然未有正面回應懷孕一事,不過對於記者的祝福,佢就回答︰「承你貴言。」唔通係怕BB小器所以唔公布住?

而今日Chilam同靚靚在澳門出席活動時,自然被傳媒追問懷孕一事!Chilam一開始表示覺得好開心,因為佢哋家中會添一個新成員… 不過只係報道講的。其後又笑指靚靚其實係肥到似有咗BB兩個月,所以被傳媒朋友誤會!靚靚聞後即搞笑扮嬲︰「我唔做訪問啦!」

之後兩公婆又繼續放笑彈,靚靚稱︰「我唔知你同邊個有咗兩個月喎!」Chilam則還擊︰「定係你同邊個有咗兩個月呀!」靚靚隨即高呼冤柱︰「冇呀大老爺!」

雖然靚靚懷孕並非事實,不過Chilam認為是次報道係一個美好的祝福,而且以往否認過太多次,所以唔打算再否認;佢反而叫大家放長雙眼,看看靚靚幾個月後有沒有任何變化!Chilam同靚靚雖已經否認,不過去到最後依然交足戲︰「(懷孕)係真嘅!」

全文完

相關文章:

事隔10年 混血女神 Leah Dizon索爆復出

難捨母女分離三日 鍾嘉欣自爆喪喊幾個鐘

慳出九個物業 蔡少芬 變近億樓后

關注我們Facebook專頁
    相關新聞
      更多瀏覽