【廁所驗孕】Ella宣佈懷孕:我們要變成一家四口了
2016年10月23日07:00

台灣組合S.H.E成員陳嘉樺(Ella),同馬來西亞籍老公賴斯翔結婚四年,一路以嚟Ella都話好想生小孩,不過四年過後,依然冇消息!早前佢推咗一個烈酒品牌嘅代言後,就有傳佢終於「中獎」,而Ella當時亦冇正面否認,只係話:「時間到了就會生。」

直到星期六晚九點幾,Ella喺微博貼出一條顯示係「有咗」嘅驗孕棒,興奮咁宣佈佢成功懷孕:「以我這個藏不住的個性,這件事真的把我給憋慘了!!!時間到了就會跟大家分享,真的是因為希望一切都穩定才跟大家分享,而現在是時候了!我要大聲的告訴大家:我懷孕了!」

Ella仲話知道有bb嘅時候,係「驚嚇」多過「驚喜」:「因為一切來的太突然,呆坐在沙發好一陣子才清醒過來,謝謝大家一直以來的祝福,我們要變成一家四口了!!(爸爸、媽媽、布丁和寶寶)我好開心好開心好開心!」

至於佢老公就喺微博話:「是的!終於可以說了!終於輪到我們了!我們要當爸媽了!這種喜悅開心照片裡說明一切!結婚四年半,我們都很期待寶寶的到來!是的!我好興奮!非常興奮!極度興奮!我要當爸爸了!陳嘉樺要當媽了!布丁要當姐姐了!」

而佢好姊妹Selina亦喺fb share呢個消息,仲話:「我要哭了!我也要告訴大家!我當阿姨了!」星期日S.H.E三姊妹就會出席健身室代言活動,到時候應該見到佢哋三人開心到喊嘅場面!

關注我們Facebook專頁
    相關新聞
      更多瀏覽