【女神病了】舒淇免疫系統出事 做足兩個星期宅女
2016年10月06日07:00

舒淇上個月同馮德倫結婚後,一直都過住幸福快樂嘅生活,每次見到佢喺社交網站貼相同片時,都見佢笑容滿面咁。不過每張笑容嘅背後,原來舒淇都忍受緊痛苦!

舒淇早前喺網上透露佢免疫系統出問題,要抽血檢查,佢當時話:「又抽管血,希望今次會知道到底發生甚麼事,我的身體....其實醫生說我是需要休息,但我就是沒辦法休息。」

不過估唔到,隔咗幾個月,舒淇病情都冇乜好轉,見佢星期三凌晨喺微博話自己已經喺屋企休息兩個星期,但對個病起唔到作用:「啊明明放了兩個多星期正常吃睡,閒的悶的荒硬待在家裡,努力藐視我想創作的熱情……過着毫無壓力無所事事的日子,為甚麼為什甚麼為什甚麼到還是沒有好」

舒淇仲發嬲「鬧」自己嘅免疫系統:「我是脾氣很壞的很沒有耐性的白羊,免疫系統你皮給我捏緊一點,不要讓我在路上碰到你」

唔少網民都留言希望佢快啲好番,連好姊妹楊采妮都祝福佢話:「是生病嗎?怎麼還是這麼美麗……take care!」

關注我們Facebook專頁
    相關新聞
      更多瀏覽