【踩到底線】Hebe個唱歌迷睇Ella直播:別來我的演唱會
2016年09月27日07:00

S.H.E成員Hebe田馥甄近年以「單飛」不解散嘅身份去出專輯,早排佢為電影《我的少女時代》唱主題曲《小幸運》,今年就推出新專輯《日常》,星期日更去到廣州開演唱會,不過,有fans喺現場睇騷嗰陣,居然就去睇S.H.E另一個成員陳嘉樺(Ella)嘅直播,搞到佢好嬲!

話說呢日有fans睇完Hebe演唱會後,喺微博分享睇演唱會時嘅相,但相入面見到fans一邊睇Ella直播,一邊聽演唱會,仲要tag埋田馥甄,搞到Hebe好唔開心,仲留言話:「尊重他人就是尊重自己,給你方便勿當隨便。」

Hebe仲話,fans呢個行為,已經踩到佢嘅底線,仲怒轟歌迷行為「白目」(唔識做),又話佢唔係因為fans睇Ella直播而嬲,而係佢「在她的演唱會上看直播」呢件事令佢不滿:「不尊重演唱會台前、幕後的表演者,以及團隊的每一位工作人員」最後仲話,希望fans可以改進,如果唔係:「或者就別來我的演唱會了,謝謝。」

開頭有唔少網友都以為Hebe係講笑,不過Hebe長文一出,網友亦安撫Hebe,話fans都係因為鍾意佢哋三個先會咁做,叫佢唔好嬲;亦有有人認為,Hebe直接名fans嘅行為唔多恰當!

關注我們Facebook專頁
    相關新聞
      更多瀏覽