索爆陳慧琳澳門個唱騷長腿
2016年08月28日12:17

【星島日報報道】陳慧琳(Kelly)昨晚在澳門金光綜藝館舉行巡迴演唱會,首度在澳門開騷的Kelly相當興奮,還化身成精靈任觀眾捉,不過卻發生了小插曲,其耳機在數度調整下仍出故障,令要求嚴僅的Kelly禁不住在台上躁底!

Kelly以數首快歌揭幕,她稱來過澳門很多次,但開個唱倒是首次,繼而與音樂總監雷頌德傾了幾句後,表示耳機很沙要求工作人員幫忙,期間還賣大包特別扭腰娛賓,逗得觀眾大樂。

怎料耳機由沙聲變無聲,為免觀眾守候,Kelly稱澳門未有得捉精靈唔緊要,因今晚有,隨即播放了她化身為鴨嘴火獸精靈的片任捉,相當得意,Kelly更笑指化身的精靈又肥又矮,問大家可想捉她回家,但補充指別要以為捉到就無事,勁的可走出來的。原本Kelly心情靚靚,可惜耳機幾番調較下仍告失靈,隨後演唱《最佳位置》時,Kelly罕有的忟憎得脫下長外套。

她其後換上銀色拖尾人魚長裙,亦回復了好心情,問觀眾說:「這件新衫靚唔靚,很貴的,貴到我都買唔起,是借回來,很高興能在演唱會著一次,亦是專為澳門演唱會而設;但就唔係好郁到,不過要著住唱咁首歌、無理由只企嚮度,如果跣低唔好笑我呀!」

而換上黑色deep v過肚臍貼身衫出場時,Kelly一度險「拗柴」,幸好有驚無險。表演連串快歌勁舞後,她笑謂:「仲索唔索?係咪著咁多次都仲索呢?但其實我好驚呢件衫,要著住跳舞、又咁低v低到到呢度(肚),好危險、生完嘛!好彩未著爆,如果過多幾場唔見我著就應該係著爆了;而大家問我點keep fit?跳這part舞喇,阿媽都跳死呀!」隨後她用紙巾抺汗時更是搞笑,打趣道:「我唔會俾(抺過的紙巾)你哋(觀眾),我知有人想要,但太核凸了,too disgusting,我個仔唔俾!」但抵死地是還作狀抺「格肋底」,惹得全場大笑。

安歌部份,Kelly再換上一件同告超貼身的新衫,一條單肩左邊開高叉的長裙,擺了個美腿甫士後,她笑謂:「今晚做了Angela Jolie,係咁放隻腳出來,死,唔知點放好,條裙好緊;so shy,I don't know how to put my leg!」

關注我們Facebook專頁
    相關新聞
      更多瀏覽