【熱浪襲港】《妖怪手錶》夏日捉喵
2016年07月21日11:30

日本人氣動畫《妖怪手錶》熱潮持續升溫,由日本蔓延至亞洲,先前唔單止去咗荔園,而家仲過到嚟新蒲崗Mikiki,由即日至8月28日舉辦「妖怪手錶放暑假」活動,更由最搞鬼嘅地縛喵領軍,帶晒成班妖怪嚟同大家玩盡暑假咁話!

趁住今個夏天,成班《妖怪手錶》角色由日本過晒嚟大搞「妖怪手錶Summer Aloha @ Mikiki」沙灘派對,由好為食嘅地縛喵率領一眾妖怪,包括威斯帕、哥瑪先生、哥瑪次郎、USA蹦等成員,嚟個夏日大解放!

今次沙灘派對分別有三大必影位,當中包括接近5米高的哥瑪先生燈塔,而宅男蝙蝠、無重點粟米等妖怪,亦匿藏在燈塔內等緊大家。其次,場中最消暑嘅地縛喵流動雪糕車,粉絲就絕對唔可以錯過,事關大家可以登上雪糕車,見吓昆布哥哥、海帶弟弟及海草妹妹之餘,再同優閑嘅哥瑪先生、威斯帕雪糕打招呼兼嚟張合照啊!

最後,嚟到海底探險,當然要同新角色USA蹦化身潛水員,齊齊擺出新一輯主題曲「宇宙DANCE!」招牌姿勢啦!除此之外,商場更設置期間《妖怪手錶》限定店,為粉絲搜羅最新至靚嘅《妖怪手錶》精品外,展期內仲有換領活動俾大家玩o架,大家趁住放暑假,就去探吓佢哋,過個妖怪盛夏啦!

日期:即日至8月28日

時間:上午11時至晚上9時

地點:Mikiki地下中庭(新蒲崗太子道東638號)

關注我們Facebook專頁
    相關新聞
      更多瀏覽