【偽毒坤】駱胤樺@SIS樂印姊妹眼角高 嫌棄坤哥口花花
2016年05月23日07:00

喺去年底連奪多個音樂獎嘅坤哥吳業坤人氣急升,但就畀網民狠批佢喺「偽毒坤」,事關佢成日都靠「毒」搵食,同佢傳過緋聞嘅有周秀娜、吳若希、龔嘉欣同Super Girls成員Aka等,個個都係「女神」級。最近Aka上電台接受訪問時,就大爆被「四眼男」喺生日狠飛,網友矛頭直指吳業坤,不過,坤哥就死口唔認,話佢哋只係好朋友。

唔知係咪上咗位後,負面消息不斷,形象由「乖乖仔」,變成「溝女王」,搞到坤哥個市場越嚟越細。SIS樂印姊妹嘅家姐駱胤樺亦嫌棄坤哥,細妹駱胤鳴話:「家姐眼角好高,唔鍾意肥同得意,所以佢話坤哥口甜舌滑,冇安全感。」自爆有人追緊嘅胤樺就話:「我鍾意啲有才華,踏實啲嘅!」

問到做義工時有冇趁機識異性,細妹就話自己有拖拍:「係圈外人,不過以前做過DJ,依家已經轉行。」不過佢就話家姐依家冇拍拖,所以成日做電燈膽:「係呀,不過男朋友都唔介意!」

關注我們Facebook專頁
    相關新聞
      更多瀏覽