幽靈彈起!賴慰玲憑《殭》成女神
2016年05月07日07:00

《殭》播出以嚟,大家都關注謝安琪、陳凱琳同鄭嘉穎嘅主線,但其他副線感情戲同樣都得網民歡心。好似劇中「幽靈」一角賴慰玲最近就成功彈起喎,唔少網民話佢演繹港女角色做得好好啊!

賴慰玲喺劇中飾演癡情港女,想冧掂胡鴻鈞。由原先好巴渣嘅港女,想轉型做得意韓妹同性感熟女。當佢一個又一個造型咁喺劇中對手黃又南面前轉嚟轉去,唔單止又南都睇到呆咗,唔少巴打都成功被俘虜。睇完劇集仲cap圖話Winki好可愛,將港女特質演繹得好有神韻同好真摯!

其實Winki之前喺劇集《女人俱樂部》時,已經試過一人扮演七個角色,真係好超班㗎!亦有網民話睇好佢可以做女一,又話佢有啲似鄭嘉穎前女友周麗淇!

關注我們Facebook專頁
    相關新聞
      更多瀏覽