【買定機票】日本10大最正酒店早餐
2016年05月06日11:00

日本係香港人最常去嘅旅遊熱點之一,貪佢近近地又有野買有野食,而且風景仲係零污染無添加,放鬆心情一流。 雖然日本野食好味係個個都知,但你又有冇諗過就連佢地酒店早餐都會有埋排名?

根據遊日旅客評價,網站TripAdvisor就整合左2016年10大最正酒店早餐排名。如果你地下次去日本想每日都有個好fresh嘅早餐食下,為每一日旅程出發之前打打氣,咁就快啲Bookmark晒下面咁多間啦!

10. 札幌皇家世紀飯店(北海道札幌市)

蔬菜及糙米的料理都是札幌皇家世紀飯店自助早餐的主打食物,同時會因應札幌的四季變更菜單。

9. 城山觀光飯店(鹿兒島縣鹿兒島市)

城山觀光飯店嘅早餐食材係主要來自鹿兒島當地,而且喺食早餐嘅同時更能夠飽覽櫻島景致,係視覺及味覺上嘅享受。

8. 札幌格蘭德飯店(北海道札幌市)

早餐除左有日式早餐之外,仲有唔少西式料理選擇,包括小份嘅晚餐烤焗食物、酒店的特製咖哩,以及主廚推介嘅日式海鮮湯。

7. Dormy Inn Premium 小樽 (北海道小樽市)

小樽最出名嘅就係刺身,亦因為呢個原因,Dormy Inn Premium 小樽所提供嘅早餐就包括左新鮮壽司以及其他美味海鮮嘅選擇。除此以外,酒店都有提供拉麵以及西式早餐,而且價錢唔貴。

6. 富山Manten飯店(富山縣富山市)

富山Manten飯店嘅自助早餐種類有多種選擇,而且價錢都只不過係1,050円,非常抵食。

5. 京阪札幌飯店(北海道札幌市)

每一日自助早餐嘅食材都獲得酒店悉心選購,菜單都係精心設計。

4. 函館國際大飯店(北海道函館市)

酒店食材新鮮而且選項豐富,日式同埋西式菜單兼備,必定能夠滿足食客要求。

3. 那霸立高利飯店(沖繩縣那霸市)

那霸立高利飯店能夠係小小嘅早餐當中,提供一系列嘅沖繩美食比大家品嘗。

2. 函館海濱La Vista飯店(北海道函館市)

喺函館海濱La Vista飯店嘅早餐當中,最令食客念念不忘嘅就係佢地嘅自助魚生飯吧檯,令客人能夠按自己嘅口味製作壽司飯,當中嘅配料更係包括左甜蝦以及三文魚子,係一頓非常豪華嘅早餐。

1. 神戶Piena飯店(兵庫県神戸市)

講起神戶大家應該就會諗起牛柳,但其實除左牛肉出名之外,神戶Piena飯店嘅早餐都係同樣非常出名,並已經連續4年奪得日本最好食早餐冠軍寶座。

資料及圖片來源:Tripadvisor

原文連結:

【買定機票】日本10大最正酒店早餐

相關文章:

【趣】人形蜈蚣一樣的千年殺扭蛋

熊本熊之父創作「FOR KUMAMOTO」畫作 供募金之用

關注我們Facebook專頁
    相關新聞
      更多瀏覽