如何quit咗份工去環遊世界2年而不失霸氣
2016年05月05日14:40

旅行、環遊世界係唔少人既夢想,但對於大部分假期唔多既打工仔嚟講,只容許你去一兩個星期,如果想話去1、2年咁耐,可能真係要辭咗份工先喇。講到辭工去旅行,唔係個個都有勇氣同決心專心環遊世界,但其實只要做到以下呢9樣野,喺心態上、行動上都做足功課,咁就可以辭工去旅行而不失霸氣!

1. 精簡你既生活

如果要去一個咁長時間既旅行,最緊要係識得精簡自己既生活,即係好似你以前住開一啲六七百呎既屋,去旅行租地方住既時候,就應該睇住自己個budget,降低自己要求唔好住咁貴,要屈就吓住細小小。

2. 少啲出街食貴嘢

要嘆、嘗盡世界美食,好多人會選擇出去夠哂特色既餐廳食飯,出街食飯可以話係一種享受,有人煮埋,遞到你面前同執手尾,相對地你要付出更多錢;所以如果你有計劃去環遊世界,就記得由而家開始打消你出街消費食飯既習慣。

3. 食當地人食既嘢

咁原本出街食既錢可以用喺邊呢?除咗旅費,啲錢最好用喺品嘗當地食物上面。不過,當然並非所有地方既地道小食都係平既,但起碼叫做食返當地人食既野,感受當地文化。

4. 旅行vs度假

人人對旅行既定義都唔一樣,所以安排行程嗰時都會有所出入。如果你既目標係打算環遊世界,就唔好再抱住度假既心態出發,例如好似住5星酒店,豪食豪玩呢啲想法就唔要得,反而要認真諗吓啲錢用喺邊,例如住啲平少少既地方,或者慳交通費行路感受個城市。

5. 當俾自己一個承諾

要實現夢想最需要既其實都係堅持,由你決定辭職嗰刻開始就要下定決心,再將環遊世界轉化成俾自己既一個承諾,咁就等於俾自己一個最大既動力。當自己有呢種心態之後,你就可以有決心係自己既日常生活上作出調整,幫助自己實現夢想。

6. ban哂反對你既人講既說話

放低自己本身有既野再作一個新開始,並唔係人人都有勇氣,有時甚至會被身邊既人ban你既諗法;但如果你已經決定咗的話,最好都係跟返自己個心去做喇,話哂人一世物一世,最緊要自己唔會後悔就得,其他人點諗,或者否決你既諗法?聽完咪算囉。

7. 邊旅行邊工作

萬一旅費唔夠,手頭上又唔夠錢用的話,除咗節衣縮食,最好就係邊旅行邊返工。呢個賺錢方法,最啱一啲從事寫作、設計既人,或者可以的話;所以去旅行記得帶埋部電腦去,隨時準備邊旅行邊賺錢,咁先有足夠財力維持你既夢想。

8. 儲定筆錢「回到現實」

旅程就算再美好,都一定有結束既一日,所以出發之前記得先儲定一筆錢,咁到你玩完返到嚟,即係所謂「回歸現實」嗰陣,起碼仲剩返啲錢,應付日常生活使費。

9. 用你既所有完成夢想

好多野都應該趁自己仲有氣有力、後生既時候就做,尤其是去旅行,都應該趁後生出發見多啲睇多啲。但亦有人會諗,想等自己賺到多啲錢先出發,咁玩起上嚟都可以放啲,但其實行程既野可以自己遷就同安排,平亦有平既玩法。

原文連結:

如何quit咗份工去環遊世界2年而不失霸氣

相關文章:

【有圖】又有山寨?!日本熊本熊VS大陸「好運熊」

【慎入】重口味桌上遊戲:蟑螂迷宮

關注我們Facebook專頁
    相關新聞
      更多瀏覽