「楊名」馬貫東捱足十年先做到配角
2016年01月29日07:00

近期大台嘅《鐵馬戰車》啱啱播咗兩個星期,劇中都有幾多令人深刻印象嘅角色,例如喺劇中演失婚漢而令大家有深刻印象嘅「大洋」曾守明啦,同埋傻得黎有幾可愛嘅「楊名」馬貫東。

相信大家都會因為馬貫東喺劇中同大台二線藝員揚明同名,而對呢個角色特別深刻,加上佢喺劇中做施馬sir手下,成日都傻更更又做得幾鬼可愛。大家可能覺得佢好生面口,以後佢係新晉藝員,其實馬貫東喺大台都做咗十年架啦,平時多數做講唔出名嘅警員,或者侍應嘅角色。不過近年嘅角色都開始有名,例如《點金勝手》高柏力,同埋《醋娘子》做吳卓羲手下秦諸,戲分都唔少架。希望佢有機會因為呢套戲而令事業再上一層樓啦。

其實大台喺《鐵》劇入面都好多三、四線演員,例如喺劇中暗戀貝Baby嘅「Calvin」陳偉洪,都好靚仔架,唔講都未必記得佢係2009年嘅香港先生少年組冠軍,今次喺劇中又多咗好多發揮機會。仲有「阿彤」沈可欣同「阿Man」楊証樺,都喺大台密密努力咗好多年,例如訌曾經喺《同事三分親》中演譚育英,楊証樺就喺《法証先峰》演過阿忠一角而人氣曾一度急升,唔講唔知,原來佢哋兩個仲喺上年八月拉埋咗天窗,連劇中合作嘅唐詩詠同袁偉豪都有出席架!

既然而家大台咁短缺人才,不如畀多啲機會佢哋上位啦!

 

關注我們Facebook專頁
    相關新聞
      更多瀏覽