【相愛不相害】庾澄慶暗示婚前出軌 伊能靜微博回應
2015年11月06日15:30

54歲?哈林庾澄慶2009年同伊能靜離婚,單身咗6年,早前佢被影到同民視女主播張嘉欣上工作室密會13粒鐘,日前佢表受報章採訪時,終於認戀張嘉欣,但提到前妻伊能靜時,就疑暗示對方婚前出軌,而伊能靜都即時喺微博回應:「相愛不相害。」

當年伊能靜18歲開始就同庾澄慶秘密拍拖14年,2000年先喺美國註冊結婚,婚後兩年生咗仔仔哈利,可惜2009年離婚收場,令伊能靜一度形象插水。哈林離婚後都冇主動提起過當年伊能靜被指偷食?事,不過日前哈林接受《中國時報》專訪,就罕有講起前妻伊能靜,更指對方係自己初戀。佢又指拍拖初期,都成日有人向佢講伊能靜閒話,但佢就聽唔入耳,直至2008年,伊能靜被影到同黃維德牽手,佢先決定翌年離婚。專訪中,哈林承認戀張嘉欣,叫大家「給我們一些空間」。

而2014年同內地小生秦昊爆姊弟戀,2015年再嫁?伊能靜,唔知係覺得前夫講?嘢冒犯到佢,佢噚日就喺微博回應,留言:「無論有甚麼聲音,都不會口出惡言。20多年青春都不易,孩子也大了,我希望他知道,他有世間最美好的父母。各位媒體,依然如七年前,一切以男方說法為准(準)。我現在和秦先生生活平靜,孩子也健康成長,如果媒體扭曲的目的是讓孩子覺得有一個壞母親,小王子只會更疼愛我。相愛不相害,放下、放過、展望未來。」

相關新聞:【庾澄慶被曝戀40歲女主播 親密獨處13小時】http://bit.ly/1XU5DwF

關注我們Facebook專頁
    相關新聞
      更多瀏覽