AGA首戰半馬馬拉松 每星期練跑5日
2015年10月12日19:00

(now.com新聞)【now.com】娛樂圈吹起一陣跑步潮,AGA(江海迦)近年開始跑步,年初更與徐濠縈等人到日本訓練,十月她將遠赴三藩市參加馬拉松長跑比賽,是她的「半馬處女戰」,首次挑戰半馬(21公里)的距離!半馬路程對於AGA而言絕對有難度,她表示:「過往我多數喺健身室用跑步機,依家跑街會受天氣同其他外來因素影響身體質素同狀態。三藩市賽道係一個好大嘅挑戰,由於有唔少斜路上山嘅路線,肌肉所需嘅力量會更大,所以呢段日子嘅訓練都集中喺肌肉提升項目。而且,長跑要同時兼顧自己嘅身體狀況、心跳頻率、呼吸速度同姿勢等,現在各每方面都多加練習,希望到時比賽狀態更佳。」AGA目前積極備戰,進行每星期地獄訓練,她說:「依家每星期都會抽四日時間練跑,再加一日跟教練練習,總共五日進行長跑和體能訓練去鍛鍊肌肉和心肺功能。訓練初期只係跑六至七公里,但愈來愈接近比賽的日子,會迫自己每次都要跑十公里以上。」首次挑戰半馬的AGA相當期待,「由於三藩市與香港有時差,而比賽當日是清晨時分,氣溫只有七至八度,所以都會跟團隊早兩日去到當地適應時間同溫差。我希望能順利完成21公里的馬拉松賽事,畢竟第一次參加半碼的賽程,安全最重要,理想時間在二小時三十分完成賽事就最好了。」

關注我們Facebook專頁
    相關新聞
      更多瀏覽