細佬藝訓班面試肥佬 王浩信唔打人情牌
2015年09月16日07:00

近年獲大台力捧緊?小生王浩信(Signal王)入行10年,做過歌手,又做過閒角,捱到今年終於捱出頭,喺早前播出?《樓奴》擔正做男一。睇見大佬撈得咁掂,Signal王細佬王瑋彤(Tony)又想照辦煮碗,行阿哥條路喎。

Tony咁啱同阿哥一樣,又高大又靚仔,據知佢細王浩信7年,即係今年先得25歲,喺外國讀大學主修商科,畢業回流返嚟?Tony做過保險同銀行等相關工作,但都係唔甘於呢啲刻板生活,所以佢毅然去咗大台?藝員訓練班面試。

喺首輪面試時,大台高層曾勵珍一見到Tony已經話:「乜你咁似王浩信?!」但係似王浩信都似乎無用喎,因為佢過唔到次輪面試,藝訓班唔收佢!做唔成Signal王同事,Tony都無放棄娛樂圈呢條路喎,擁有6呎2身高?佢決定轉向男模發展,目前仲已經接咗唔少大牌子?騷。

Tony表示阿哥王浩信好支持佢入行,不過阿哥就堅持唔肯打人情牌,不過Tony都無怪大佬架,佢又話兩兄弟傾偈時,阿哥都有同佢分享過呢10年?辛酸史,好似最霉嗰陣係點樣捱過,令到Tony更佩服阿哥。雖然做唔成同事,王浩信都有以過來人身份醒兩招畀細佬架,例如叫佢做呢行一定要對人有禮貌,同行未必如敵國咁。希望Tony都可以闖出一番成績畀阿哥睇啦!

關注我們Facebook專頁
    相關新聞
      更多瀏覽