網民認錯助手係羅力威 雨僑:唔係嘛,爭好遠
2015年08月10日07:00

雨僑、唐貝詩同林芊妤(Coffee)等人噚日喺荃灣出席電影《猛龍特囧》宣傳活動。活動中,雨僑同唐貝詩齊齊跟Coffee學瑜珈,問到雨僑驚唔驚好似上次出活動咁露出nude bra,再一次走光?雨僑就話唔驚:「我著咗3件衫,之前傾咗啲動作盡量唔好烏低身,做簡單?動作,我硬骨頭,怕有咩損傷,平時絕對冇做運動,我對於所有運動都冇乜天份,不過見到Coffee將隻腳放喺頭頂,我都想學,多一個可以表演。」

提到上次宣傳電影時走光,雨僑事後將助手同佢?合照post咗上fb「教訓」下佢,點知意外「捧紅」咗助手!雨僑話:「我助手買咗連膠紙座?膠紙,所以我冇黐,但我就將助手張相post上網,我冇諗住換咗佢,佢為我生活提供好多笑料,我好鍾意呢個助手。」不過呢,啲網民見到呢張相,竟然以為助手係雨僑男友羅力威喎,又大讚助手好靚仔!,雨僑笑住話:「網民啲留言好笑,話我哋公開耍花槍,又話佢係真男人,搞到我堂家姐都打畀我問,其實我寫到明係助手,但好多人都認錯,唔係嘛,爭好遠。」

雨僑係咪暗示助手唔夠羅力威靚仔先?問到助手同羅力威邊個靚仔啲?雨僑笑指助手唔係行靚仔路線,又冇買嘢?才華兼冇交帶,不過助手好好人。數到咁,應該係羅力威贏。但羅力威好似成日黑面咁,係咪好大脾氣架?雨僑就即刻維護羅力威,仲話:「佢唔係黑面,佢天生性嘴角向下,係放鬆?表情,對住你哋冇防範,如果唔笑就係放鬆。」哦,明白哂,得雨僑先咁了解私底下?羅力威架咋!

關注我們Facebook專頁
    相關新聞
      更多瀏覽